जनखोजी समाचारदाता
प्युठान, सरूमारानी गाउँपालिका प्युठानमा एक दिने बृहत निःशुल्क स्वास्थ्य सिबिर सम्पन्न भएको छ । नेपालगंज मेडीकल कलेज कोहलपुर तथा एनजिएमसी होप्स र सरुमारानी गाउपालिका प्यूठानको संयुक्त आयोजनामा सनिबार निःशुल्क वृहत् स्वास्थ्य शिविर कार्यक्रम सम्पन्न गरिएको सरुमारानी गाउपालिकाका प्रमुख प्रशासकिय अधिकृत चिन्तामणी रेग्मीले जानकारी दिएका छन ।
शिबिरको प्रमुख अतिथिका रुपमा उपस्थिति भएका पालिकाका अध्यक्ष झग बहादुर विश्वकर्माको रक्तचाप मापन गरि शुभारम्भ गरिएको हो । एक दिने बृहत शिविरमा मेडिसिन तर्फ–९९, स्त्रीरोग–९०, सर्जरी–१० ,बालरोग–२१ हाडजोर्नी–१३७ नाक कान, तथा घाटीँ रोग–६१ ,आँखा सम्बन्धी समस्या भएका –१२१ छाला तथा यौन रोग –४३ मानसिक रोग सम्बन्धी उपचार तथा परामर्श सेवा सम्बन्धि–३ गरि जम्मा ५८५ जना बिरामीको स्वास्थ्य परिक्षण सहित औषधि वितरण गरिएको सरुमारानी गाउपालिकाका स्वास्थ्य शाखा प्रमुख टेकेन्द्र रायमाझीले जानकारी दिएका छन ।
सिबिर कार्यक्रममा पालिकाका अध्यक्ष झग बहादुर बिश्वकर्मा उपाध्यक्ष मिना सोमै,,प्रमुख प्रशासकीय अधिकृत चिन्तामणी रेग्मी, मेडिकल टिमका प्रमुख डा। प्रवेश पन्त लगायतको उपस्थित रहेको थियो । कार्यक्रममा बोल्दै मेडिकल टिमका प्रमुख डा. पन्तले सिबिरको उद्देश्यमाथी प्रष्ट पार्दै उक्त सिबिरबाट रिफर भई नेपालगन्ज मेडिकल कलेज शिक्षण अस्पताल जाने विरामीहरुलाई विशेष छुटको व्यवस्था समेत रहेको जानकारी दिएका छन