प्युठान, पुख्र्यौली संस्कृति जोगाउन यहाँका युवाहरु संघर्ष गरिरहेका छन् । प्युठानको उत्तरी प्युठान अवस्थित नौबहिनी गाउँपालिका–१ स्याउलीवाङका थकाली युवाहरु पुख्र्यौली संस्कार वचाउन लागि परेका हुन् ।
थकालीहरुको मुख्य खेलको रूपमा लिइने धनुषवाण अर्थात उनीहरूको भाषामा त्हस खेल हरेक फागु पूर्णीमामा खेलिदै आएको पाइन्छ । परम्परागत रूपमा फागु पूर्णीमामा खेलिने खेल लोप हुने खतरा बढेको वेला राष्ट्रिय रूपमा प्रतिष्पर्धा गर्ने गरी प्युठानमा खेल्ने र प्रतिष्पर्धामा भाग लिन थालिएको हो । थकालीहरूले तीन वर्षमा एकचोटी वा थकाली सेवा समाजको आफ्नो एक कार्यकालमा एक पटक थकाली संस्कार, संस्कृति र पहिचान बोकेको धनुषवाण खेल थकालीहरू वीच प्रतिष्पर्धा गर्दै आएको खेलाडी प्रकास शेरचन थकालीले जानकारी दिए । उनका अनुसार खेलको संरक्षणको लागि खेलिदै आएको छ ।
थकाली जातिको मुख्य पर्व (तोरन्ल्ह)फागु पुर्णिमामा प्रत्येक वर्ष आ–आफ्नो क्षेत्रमा खल्ने खेलाइने गरिन्छ । शुक्रबार देखि तनहुको वेनीमा ११ औं तोरन्ल्ह गोल्ड कपमा प्युठानबाट सहभागिता जनाइएको छ । राष्ट्रिय खेलमा १० औं तोरन्ल्ह गोल्ड कपबाट सहभागि हुन थालेका हुन् । जुन वाग्लुङ जिल्लाको वुर्तिवाङमा भएको थियो ।
प्युठान जिल्लामा नौबहिनी १ स्याउलिबाङमा मात्र खेलिदै आएको छ । प्युठानको स्याउलिबाङमा २६ घर शेरचन थर र गौचन थरका थकालीहरू रहेका छन् । जिल्लामा स्याउलिबाङ सहित गौमुखी गाउँपालिका–३ रजवारा, सरुमारानी गाउँपालिका–१ ददेरीमा रहेका छन् ।
ख्ेलमा ६ जनाको टिम हुन्छ जस्मा प्रत्येक ब्यक्तिले १ चरणमा २ ओटा वाण हान्छ । फाइनलसम्म ा १५ चरण हान्छ १५ चरणमा १ ब्यक्तिले ३० वाण हान्छ, भने टिमले जम्मा १ सय ८० वाण हान्छ जुन टिमले १ सय ८० वाणमा धेरै टार्गेटमा हान्छ त्यसैले खेल जित्छ ।