जनखोजी संवाददाता
फोप्लीका २५ वालवालिकाको कुपोषण उपचार शुरु गरिएको छ । बहिरंग उपाचार केन्द्र सेवा भएको स्थानबाट उपचार शुरु भएको हो ।
आइतबार देखि फोप्ली स्वास्थ्य चौकीमा चेकजाँच,उपचार र परामर्श सेवा प्रदान गर्नुका साथै कुपोषण उपचार सेवाका लागि बहिरंग उपचार केन्द्र स्थापना गरिएको हो । जस अन्तर्गत ६ महिना देखि ५ बर्षमुनिका कुपोषित बालबालिकाहरुलाई दर्ता गरि उपचार सेवा प्रदान गरिने फोप्ली स्वास्थ्य चौकीले जनाएको छ ।
अति सिघ्र कुपोषण र मध्यम सिघ्र कुपोषण गरि वर्गिकरण गरिएको छ । तौल, हाइट नापजाच पछि वर्गिकरण गरिन्छ । यसरी फोप्लीमा २५ कुपोषित वालवालिका भेटिएका छन् । पहिलो दिनमा १८ जना आएको स्वास्थ्य चौकीका प्रमुख प्रकाश घिमिरेले जानकारी दिए । डव्ल्युएचओले मान्यता दिएको आरओटिएफ नामक औषधि खुवाइने गरिन्छ । उनीहरुको तीन महिनासम्म नियमित परामर्श र औषधि उपचार गरिनेछ । स्वास्थ्य उपचार विजुवार जानु पर्ने भएकोले संख्यात्मक रुपमा पनि धेरै गाउँमै भएकाले स्वास्थ्यकर्मी गाउँमै लिएर उपचार गर्न पहल गरिरहेको उनको भनाइ छ ।