नेत्र खनाल
दाङ, दाङमा चुनावको मुखमै एमाले परित्याग गरी एक सय भन्दा बढी नेता कार्याकर्ता माओवादी केन्द्रमा प्रवेश गरेका छन् ।
जिल्लाकाे राप्ती गाउँपालिकामा एमाले पार्टी परित्याग गरि एक सय भन्दा बढी स्थानीय नेता कार्याकर्ता नेकपा (माओवादी केन्द्र) प्रवेश गरेका हुन् ।
राप्ती गाउँपलिका वडा नं.७ अर्नाहनपुरमा एक कार्यक्रमको आयोजना गरी पार्टीका केन्द्रीय सदस्य तथा दाङ क्षेत्र नम्वर १(क) बाट वाम लोकतान्त्रिक गठवन्धनका उम्मेदवार इन्द्रजित थारुले माला र अबिर लगाएर पार्टी प्रवेश गराएका हुन् ।
राप्ती गाउँपालिका -७ अर्नाहनपुरका नेकपा एमाले राप्ती गाउँपालिका कमिटी सदस्य माधव चाैधरीकाे नेतृत्वमा करिब १ सय युवा, नेता तथा कार्यकता नेकपा एमाले परित्याग गरी माओवादी केन्द्र प्रवेश गरेका हुन् ।
प्रवेश गर्नेहरुमा भक्तराम चाैधरी,सविन चाैधरी,दिपेन्द्र चाैधरी,सुदिप चाैधरी,सुजल चाैधरी,अरविन चाैधरी,सुकराम चाैधरी,महेन्द्र चाैधरी,प्रकाश भुषाल,दुखीराम चाैधरी,समिर चाैधरी,सन्ताेष चाैधरी,अनुप चाैधरी,भाेला प्रसाद चाैधरी,श्यामकृष्ण डागी,रविन पुजाली लगायतका रहेका छन्।
नवआगन्तुकहरुलाई उम्मेदवार थारुले पार्टीमा स्वागत गर्दै आगामी मंसिर ४ को निर्वाचनको कार्यमा जुट्न समेत अनुरोध गरे ।
साे कार्यक्रममा उम्मेदवार थारुले आफू पदमा रहँदा वा नहुँदा पनि सधैँ जनताको सेवामा रहेको बताउदै आगामी चुनावमा मतदान गरी आफूलाई बिजयी बनाई पुन: काम गर्ने ठाउँमा पुर्याउन अग्रह समेत गरे ।
त्यस्तै उम्मेदवार चाैधरीले यो क्षेत्रको विकासको काममा आफू सधैँ लागि परेको र यहाँको शिक्षा, स्वास्थ्य, बाटोघाटो जस्ता हरेक पूर्वाधार विकासमा पनि आफ्नो पार्टीले काम गरेको बताए । नारायण शर्माको अध्यक्षता, तुला गिरीकाे सञ्चालनमा भएको कार्यक्रममा समाजसेवी तथा व्यवसायी गञ्ज बिष्ट र वाइसीएल जिल्ला सदस्य ज्ञानु के.सी. लगायतका जिल्ला नेताहरूकाे समेत उपस्थिति रहेको थियाे ।
