जनखोजी
प्युठान, माण्डवि गाउँपालिका प्युठानले गणित शिक्षा प्रभावकारी बनाउन अन्तरक्रिया कार्यक्रम गरेको छ । माण्डवी गाउँपालिकाको आयोजनामा बिहिबार गाउँकार्यपालिकाको कार्यालयको सभाहलमा अन्तरक्रिया सम्पन्न भएको हो ।
आधारभुत तथा माध्यमिक तहमा गणित विषय अध्यापन गराउने शिक्षकहरुको सहभागिता रहेको थियो । कार्यक्रममा गाउँ पालिका अध्यक्ष नमराज अधिकारी (रोशन)ले शिक्षामा लगानी अनुसार प्रतिफल निकाल्नु पर्ने बताए । विषय शिक्षकहरुले आफ्नो विषयमा अत्याधिक सख्यामा विद्यार्थी पास गराउन मेहनत गर्नु पर्नेमा उनको जोड थियो ।
उनले बर्तमान शिक्षा प्रणालीमा आमूल परिवर्तन गरी शिक्षामा गरेको लगानी अनुसार प्रतिफल निकाल्न उपस्थित शिक्षकहरुलाई निर्देशन दिए ।
अन्तरक्रिया कार्यक्रममा उपाध्यक्ष पुर्ण प्रसाद कालाथोकीले शिक्षा क्षेत्रलाई सुधार्नको लागि शिक्षक,बिद्यार्थी र अभिवावक सबै जिम्मेवार हुन पर्ने बताए ।
यस्तै निमित्त प्रशासकीय प्रमुख बलराम पौडेलले उपस्थित शिक्षकलाइ शैक्षिक उपलब्धि हासिल गर्नु पर्ने र विद्यार्थीको भविस्यप्रती गम्भीर हुनु पर्नेमा जोड दिए ।
