तुल बहादुर कुवर
राप्ती, दाङको राप्ती गाउँपालिकाले वडा नंं।६ का ७८ देखि ८० वर्ष उमेर समूहका २६ जना जेष्ठ नागरिकहरुलाई बुधबार न्यानो कपडा ब्ल्याङकेट वितरण गरेको छ।
वडाध्यक्ष दिपक चौधरीको अध्यक्षता तथा गाउँपालिकाका अध्यक्ष प्रकाश विष्टको प्रमुख आतिथ्यमा सो सामाग्री वितरण गरिएको हो। पालिका अध्यक्ष विष्टले जेष्ठ नागरिक समाजका इतिहास भएको भन्दै उहाँहरुको सम्मानमा न्यानो कपडा वितरण गरिएको बताए ।
त्यस्तै वडाध्यक्ष चौधरीले जेष्ठ नागरिकलाई सबैले सम्मान गर्नु पर्ने बताए । यसै बिच बुधबार नै वडा नम्बर ७ मा पनि सोही उम्मेर समूहका २७ जना जेष्ठ नागरिकहहरुलाई न्यानो कपडा ब्ल्याङकेट वितरण गरेको छ। वडाध्यक्ष सिताराम चौधरीको अध्यक्षतामा भएको कार्यक्रममा सो सामाग्री वितरण गरिएको हो।
सो अवसरमा सिसहनिया स्वास्थ्य चौकीका इन्चार्ज धन बहादुर खड्का र ल्याब टेक्निसियन लब जैसीले सहभागी जेष्ठ नगरिकहहरुको उच्च रक्तचाप,मधुमेहको चेकजाँच गर्नुका साथै स्वास्थ्य परामर्श समेत प्रदान गरेका थिए ।
यस अगावै वडा नम्बर १,३,४,५,र ८ मा समेत सो सामाग्रीहरु वितरण गरिसकिएको छ भने अबको केही दिन भित्रै वडा नम्बर २र९ मा पनि वितरण गरिने राप्ती गाउँपालिका महिला तथा बालबालिका शाखा प्रमुख जीवन कुमारी जि.सी.ले जानकारी दिइन ।
