जनखोजी
प्यूठान, झिमरुक गाउँपालिका–५ हिरापोखरीको विद्यालयमा माध्यामिक शिक्षाका लागि स्थानीयहरुले अभियानमा जुटेका छन् । नेपाल राष्ट्रिय आधारभूत विद्यालयलाई कक्षा ८ वाट ९ र १० कक्षा सञ्चालनको लागि आर्थिक सहयोग संकलन अभियानमा लागेका हुन् ।
स्थानीय बालबालिकाहरुलाई विद्यालय पुग्न दुई घण्टा लाग्ने भएपछि स्थानीयहरु कक्षा थपका लागि अभियानमा जुटेको बताउछन् । ०३२ सालमा स्थापना भएको थियो । आगामी शैक्षिक शत्रदेखि मा.वि. सञ्चालनका लागि सहयोग संकलन अभियान थालेको आर्थिक तथा अक्षयकोष व्यवस्थापन समितिका संयोजक प्रदिप जि.सी.ले जानकारी दिए । सबैको सहयोगले कक्षा सञ्चालन सम्भव भएको उनको भनाई छ ।
सहयोगका लागि विद्यालय र अभिभावकहरुले सार्वजनिक रुपमा सहयोगको अपिल गरेका छन् । कक्षा ८ देखि माथिल्लो तहको पढाईका लागि विद्यार्र्थीहरु बालशिक्षा माध्यमिक विद्यालय मच्छि र बलभद्र माध्यमिक विद्यालय बादीकोट पुग्नुपर्ने बाध्यता छ । कम्तीमा दुई घण्टा पैदल हिडेर विद्यार्थीहरु मच्छि जाने र बसमा चढेर आउँदा÷जाँदा दुई सय रुपैयाँ भाडा दैनिक रुपमा लाग्ने गरेको विद्यार्थीहरु गुनासो गर्छन् ।
बालबालिकाको दुःखले अभिभावकहरुले ९ र १० कक्षा सञ्चालनका लागि अग्रसर भएर लागेको प्रधानाध्यापक यशोदा खड्काले बताइन् । उनका अनुसार ९ र १० संचालनका लागि पूर्वाधार निर्माण र शिक्षक व्यवस्थापनका लागि कम्तीमा ५० लाख रुपैयाँ बजेट आवश्यक पर्छ ।
ओखरकोट क्षेत्रमा रहेका बस्ती सिस्नेखोला, बादीखोला, आप्रेखोला, खोरपानी, रातामाटा, ठूलापोखरा, सोरपोखरा, टापुटोल लगायतका २ सय ५८ जना बालवालिका रहेको विद्यालयमा कक्षा ८ मा ३० जना विद्यार्र्थी छन् ।