जनखोजी
प्युठान, माण्डवी गाउँपालिकाको पहिलो रनिङ शिल्डको विजेता माण्डवी माध्यामिक विद्यालय बनेको छ । बुधबार माण्डवी ३ मार्सिबाङमा सम्पन्न प्रथम प्रथम रास्ट्रपति रनिङ शिल्ड प्रतियोगिताबाट माण्डवी प्रथम बनेको हो । रनिङ शिल्ड प्रतियोगितामा दोश्रो गणेश मा.वि तिराम र तेस्रो कामाक्षी मा.वि. उदयपुरकोट भएका छ्न ।
समापन कार्यक्रममा प्रमुख अतिथी संविधान सभा सदस्य नारायण प्रसाद अधिकारीले बिजय खेलाडीहरुलाई बधाई दिदै मानव चेतनाको बिकासको लागि खेलकुद महत्वपूर्ण रहेको बताए । कार्यक्रममा माण्डवी गाउँपालिका अध्यक्ष नमराज अधिकारी (रोसन) ले खेलाडी सधै अनुशासित भएर अगाडि बढ्नु पर्ने बताउदै बर्दी बिनाको सिपाही भनेको खेलाडी भएको बताए ।
माण्डवी गाउँपालिका शिक्षा शाखा प्रमुख तुलसा कार्किले संचालन गरेका कार्यक्रममा प्रमुख अतिथि संविधान शभा सदस्य नारायण प्रसाद अधिकारी,गाउँपालिका अध्यक्ष नमराज अधिकारी (रोसन,उपाध्यक्ष पुर्ण प्रसाद कालाथोकी, ईलाका प्रशासन जस्पुरका प्रमुख बाबुराम पुरी, गाउँपालिकाका प्रमुख प्राशासकीय प्रकाश पाण्डे ,माण्डवी गाउँपालिका वडा नं १ का अध्यक्ष बाम बहादुर बुढा,वडा नं. २ का अध्यक्ष प्रकाश वलि,वडा नं.३ का अध्यक्ष धनेन्द्र कार्कि,वडा नं. ४ का अध्यक्ष डिल बहादुर घर्ती, गाउँपालिका प्रवक्ता जितामित्र सुनार, कार्यपालिका सदस्य बालिका नेपालीले खेलमा बिजय प्राप्त खेलाडीहरु, रेफ्ररी र एम्पाएर, बिधालयका खेलकुद शिक्षकहरुलाइ शिल्ड, प्रमाणपत्र र मेडल प्रदान गरिएको थियो । खेलकुदमा माण्डवी गाउँपालिका माध्यमिक तहका बिधालयका प्रतियोगीहरुको सहभागिता रहेको थियो ।।