सन्तोष सुनार प्युठान,प्यूठानको माण्डवि गाउपालिका २ को वडा कार्यालयले जेष्ठ नागरिकलाई मङ्गलवार एक कार्यक्रम विच सम्मान गरेको छ । उक्त वडामा बसोबास गर्ने ६८ वर्ष पुगेका १५१ जना जेष्ठ नागरिक  तथा आमाबुवालाई एक एक पिस हर्लिक्स , प्रति व्यक्तिलाई एक सयका दरले यातायात खर्च फलफुल अविर माला लगाई सम्मान गरिएको वडा अध्यक्ष प्रकाश वलिले जानकारी गराए ।
जेष्ठ नागरीक तथा आफ्नो आमावुबालाई सम्मानका साथ लालनपालन गरी उत्कृष्ट भएका माण्डवि गाउपालिका २ मर्कावाङका निवासी ९२ वर्षका मान वहादुर दमाईका छोरा उत्तम वहादुर दमाई र पुकरुक निवासी ८९ वर्षिय सुमित्रा देविका छोरा शुकराम दमैलाई एक एक सेट ग्यास चुलो र ग्यास सिलिण्डर सम्मान गरिएको वडाका प्राविधिक यज्ञ खड्काले बताए । कार्यक्रम माण्डवि गाउपालिका २ का वडा अध्यक्ष तथा सोहि गाउपालिकाका सामाजिक विकास समितिका संयोजक प्रकाश वलिको अध्यक्षतामा सुरु भएकामो प्रमुख अथिति संविधान सभा सदस्य नारायण प्रसाद अधिकारी , विशेष अथितिमा माण्डवि गाउँपालिकाको कार्यपालिका सदस्य रमा पौडेल रहनु भएकोमा कार्यक्रमा स्वागत मन्तव्य वडा सदस्य श्रीराम पुन मगरले राखेका थिए । वडासदस्य यम बहादुर पुन, लक्ष्मी विक जेष्ठ नागरीक लगाएतको उपस्थिति रहेको थियो । कार्यक्रमको सन्चालन भने वडा सचिव घनश्याम अधिकारीले गरेका थिए ।