झिमरुक, मल्लरानी र ऐरावतीमा जनसंख्या घट्यो, जनसंख्या बृद्धिदर ऋणात्मक देखिनुको कारण बसाइसराइ

जनखोजी
प्युठान, प्युठानमा ४ हजार जनसंख्या मात्रै थपिएको छ । गतहप्ता सार्वजनिक गरिएको जनगणना २०७८ को नतिजाको तथ्यांकमा हेर्दा प्यूठानको जनसंख्या ३ हजार ९ सय १७ जना मात्रै थपिएको देखिएको हो ।
राष्ट्रिय जनगणनाको नतिजा अनुसार प्युठानकोे जनसंख्या २ लाख ३२ हजार १९ पुगेको छ । राष्ट्रिय जनगणना २०६८ जनगणनामा प्युठानको जनसंख्या २ लाख २८ हजार १ सय २ जनसंख्या थियो । जिल्लाको वार्षिक जनसंख्या बृद्धिदर शुन्य दशमलव १६ प्रतिशत छ ।
पछिल्लो तथ्यांकले जिल्लामा ५६ हजार २ सय ३ घरपरिवार संख्यामा १ लाख ४ हजार १३२ पुरुष र १ लाख २७ हजार ८ सय ८७ महिला ४ दशमलव १३ दरमा औसद परिवारको आकार देखिएको छ ।
खुल्ला आकासमा चर्पी
जिल्लालाई खुल्ला दिशामुक्त गरिए पनि प्युठानमा चर्पि नभएका जनसंख्या देखिएको छ । प्युठानका १ हजार ७५ जनसंख्यासंग चर्पि नभएको पाइएको हो । ती मध्ये १४३ जनाले सार्वजनिक शौचालयको प्रयोग गर्दै आएको भएपनि ८ सय ६५ जना खुल्ला क्षेत्र प्रयोग गर्दै आएका छन् ।
कुन पालिकामा कति छ जनसंख्या ? (तालिका सहित)