असोज १८ सिपि पौडेल, प्युठान । लोक चेतना एकेडेमी अंग्रेजी माध्यामिक विद्यालय भिंगृले जिल्ला स्तरीय निवन्ध प्रतियोगितामा दोस्रो स्थान हासिल गरेकी विद्यार्थी सन्ध्या खड्कालाई सम्मान गरेको छ ।
गत आइतबार ६८ औं प्रहरी दिवस २०८० को अवसरमा नेपाल प्रहरीद्वारा कक्षा ८ देखि १० सम्म आयोजित जिल्ला स्तरीय निवन्ध प्रतियोगितामा खड्का दोस्रो स्थान प्राप्त गरेकी छिन्। उक्त विद्यालयमा कक्षा ९ मा अध्यनरत विद्यार्थी सन्ध्या खड्का हुन् ।
एक कार्यक्रम आयोजना गर्दै जिल्ला दोस्रो हुन सफल खड्कालाई विद्यालयका प्रिन्सिपल मधुसुदन अधिकारीले शैक्षिक सामाग्री सहित दोसल्ला ओढाएर सम्मान गर्नु भएको हो। कार्यक्रममा बोल्दै प्रिन्सिपल अधिकारीले , दोस्रो हुन सफल भएकी छात्रालाई धन्यवाद दिदै , उत्तर उत्तर प्रगतिको सुभकामना व्यक्त गर्नु भएको थियो। “समुदायमा प्रहरीको भुमिका” विषयक निवन्ध प्रतियोगितामा प्युठानका ३४ विद्यालयका १०० विद्यार्थीहरुको सहभागिता रहेको थियो।
जस अन्तर्गत भानुभक्त माध्यमिक विद्यालय बरबोटकी छात्रा पुष्पा नेपाली प्रथम ,लोक चेतना एकेडेमी भिंगृकी छात्रा द्वितिय र जनता माध्यमिक विद्यालय बड्डाडांकी छात्रा अन्जना बिक तेस्रो हुन सफल भएकी छिन।
