बबिता रिजाल , असोज २५ प्युठान । अमर माध्यामीक विद्यालय स्वर्गद्वारी नगरपालिका वडा नम्बर ३ भिङ्ग्री प्यूठानले आफ्नो ५२ औं वार्षिक उत्सव तथा अभिभावक दिवस २०८० कार्यक्रम सम्पन गरेको छ ।
विहिवार विद्यालयको आफ्नै प्राङ्गणमा अमर माध्यामीक विद्यालयको विद्यालय व्यवस्थापन समितिका अध्यक्ष बल बहादुर रोकायको अध्यक्षतामा कार्यक्रम गरीएको हो । विहिवार आयोजित वार्षिक उत्सव तथा अभिभावक दिवस कार्यक्रममा प्रधानाध्यापक बाशुदेव खनालले विद्यालयको वार्षिक प्रगति प्रतिवेदन प्रस्तुत गर्नुभएको थियो । अभिभावक संघ समितिका शिक्षक प्रतिनिधि तथा शिक्षक मीन बहादुर बुढाथोकीले विद्यालयको सामाजिक लेखा परीक्षण प्रतिवेदन प्रस्तुत गर्नुभएको थियो । यस्तै सोही कार्यक्रममा खेलकुद तथा अन्य अतिरिक्त क्रियाकलापमा उत्कृष्ट तथा अध्ययन तर्फ विभिन्न परीक्षामा उत्कृष्ट भएका विद्यार्थीहरूलाई पुरस्कार वितरण गरीएको हो ।
कार्यक्रममा मनोरञ्जनका लागी विद्यार्थिहरुको तर्फबाट विविध सांस्कृतिक कार्यक्रम पनि प्रस्तुत गरीएको थियो ।
कार्यक्रममा स्वर्गद्वारी नगरपालिकाका नगर उप प्रमुख मिनराज राना मगर , जिल्ला समन्वय समिति प्यूठानका उप प्रमुख दुर्गा रेग्मी तथा वडा अध्यक्षहरु लगायतले आफ्नो मन्तव्य व्यक्त गर्दै आगामी दिनमा विद्यालयको उच्च प्रगतिको कामना गरेका छन् ।
वि .स . २०१६ सालमा स्थापना भई शिक्षा दिदै आएको अमर माध्यामिक विद्यालयले प्यूठानको माडीक्षेत्रमा रहेर आफ्नै इतिहास र छुट्टै पहिचान बोकेको छ । अमर माध्यामिक विद्यालय नमुना विद्यालयभित्र पनि पर्दछ । जिल्ला समन्वय समिति प्यूठानका उप प्रमुख दुर्गा रेग्मीको प्रमुख आतिथ्यतामा सम्पन्न भएको कार्यक्रममा स्वर्गद्वारी नगरपालिकाका नगर उप प्रमुख मिनराज राना मगर विशेष अतिथिको रुपमा हुनुहुन्थ्यो ।
विहिवारको वार्षिक उत्सव तथा अभिभावक दिवस कार्यक्रममा स्वर्गद्वारी नगरपालिकाका पूर्व नगरप्रमुख नेत्र बहादुर रोकाय , विभिन्न वडाका वडा अध्यक्षहरु , शिक्षक , विद्यार्थि , पुर्व शिक्षक , अभिभावक , पत्रकार , विभिन्न राजनैतीक दलका प्रमुख तथा प्रतिनीधि लगायतको उपस्थिती रहेको थियो । विद्यालयकी शिक्षका रूक्मिणी रावलको स्वागत मन्तव्य बाट सुरु भएको कार्यक्रमको सञ्चालन अमर मा वि का सहायक प्रधानध्यापक यमराज शर्माले गर्नुभएको थियो ।
