बबिता रिजाल कार्तिक ११, प्युठान । पाचौं स्वर्गद्वारी मेयरकप २०८० अन्तर्गत भलिबल प्रतियोगितामा आज क्वाटर फाइनलका खेलहरु सकिएका छन् ।
भलिबल प्रतियोगिताको पहिलो क्वाटर फाइनल खेल स्वर्गद्वारी नगरपालिका वडा नम्बर २ र वडा नम्बर ४ बिच भएको थियो । जसमा वडा नम्बर ४ विजेता बन्दै सेमिफाइनल प्रवेश गरेको छ । दोस्रो खेल वडा नम्बर ५ र वडा नम्बर ७ को बिचमा भएकोमा वडा नम्बर ७ विजय हुँदै सेमिफाइनलमा पुगेको छ । यस्तै वडा नम्बर १ र वडा नम्बर ६ विच भएको भलिबल प्रतियोगिताको तेस्रो क्वाटरफाइनल खेलमा वडा नम्बर ६ जित हात पार्दै सेमिफाइनलमा पुगेको छ । सेमिफाइनलमा वडा नम्बर ३ , ४, ६ र ७ पुगेका छन् । सेमिफाइनल खेलमा वडा नम्बर ४ र वडा नम्बर ७ त्यसैगरी वडा नम्बर ६ र वडा नम्बर ३ भिड्नेछन् ।
यस्तै आज भएको क्रीकेट प्रतियोगितामा पहिलो खेल वडा नम्बर ६ र वडा नम्बर ९ विच भएको थियो । जसमा वडा नम्बर ६ लाई पराजित गर्दै वडा नम्बर ९ विजय भएको छ । दोस्रो खेल वडा नम्बर २ र वडा नम्बर ५ बिचमा भएको थियो । जसमा वडा नम्बर ५ विजय भएको छ भने वडा नम्बर ७ र वडा नम्बर ८ बिच भएको तेस्रो खेलमा वडा नम्बर ८ विजय भएको छ । यस्तै चौथो खेल वडा नम्बर ४ र वडा नम्बर ६ विच हुदा वडा नम्बर ६ लाई हराउँदै वडा नम्बर ४ विजयी भएको छ भने वडा नम्बर २ र वडा नम्बर ७ बिच भएको पाचौं खेलमा वडा नम्बर ७ ले जित हात पारेको छ ।स्वर्गद्वारी नगरपालिका प्यूठानको आर्थिक सहयोग र नगर खेलकुद विकास समिती स्वर्गद्वारी नगरपालिका प्यूठानको आयोजनामा पाँचौ स्वर्गद्वारी मेयरकप सञ्चालन भइरहेको छ । कार्तिक १० गते नगरप्रमुख टेक प्रसाद भण्डारीद्वारा उद्घाटन गरिएको मेयरकपमा भलिबल प्रतियोगिता , क्रीकेट प्रतियोगिता , व्याडमिन्टन प्रतियोगिता , महिला भलिबल प्रतियोगिता सञ्चालन हुने आयोजकले बताएको छ । यसैसङ्गै मित्रता, सद्भाव ,एकता अनि सहिष्णुताको लागि भन्दै कर्मचारी , शिक्षक , जनप्रतिनिधि तथा आयोजक बिचमा पनि मैत्रीपुर्ण भलिबल प्रतियोगिता पनि सञ्चालन हुने आयोजकले बताएको छ ।
