बबिता रिजाल कार्तिक १४, प्युठान । पाँचौं स्वर्गद्वारी मेयर कपको आज सबै खेलहरु सकिएका छन् । आज भएको अन्तिम खेलमा स्वर्गद्वारी नगरपालिका वडा स्तरीय क्रिकेट प्रतियोगिता तर्फ पहिलो र दोश्रो स्थानमा वडा नम्बर ३ र वडा नम्बर ५ विच प्रतिस्पर्धा भएको थियो । वडा नम्बर ३ लाई पराजित गर्दै वडा नम्बर ५ ले प्रथम स्थान हासील गर्यो । वडा नम्बर ३ ले १२ आभरमा सबै विकेट गुमाएर ५१ रन बनायो । वडा नम्बर ५ ले ९ ओभरमा ६ विकेटले जित हात पार्यो । यो संगै वडा नम्बर ५ प्रथम र वडा नम्बर ३ द्धितिय भएका छन् । यस अघि हिजो भएको खेलमा वडा नम्बर ४ ले तेश्रो र वडा नम्बर ७ ले सान्तवना स्थान प्राप्त गरेका थिए ।

स्वर्गद्वारी नगरपालिका वडा स्तरीय भलिबल प्रतियोगिता तर्फ वडा नम्ब ७ ले जित हात पारेको छ । आज वडा नम्बर ६ र वडा नम्बर ७ विच पहिलो र दोश्रो स्थानको लागी भएको प्रतिश्प्रर्धामा वडा नम्बर ७ ले प्रथम , दोश्रो र तेश्रो सेट क्रमशः २५ – २२ , २५ – १८ र २५ – २० ले जित्यो । वडा नम्बर ६ ले कुनैपनि सेट जित्न नसक्दा खेल ३ सेटमै सकिएको हो । हिजो भएको खेलमा वडा नम्बर ३ तृतिय र वडा नम्बर ४ सान्तवना भएका थिए ।

आजै भएको मैत्रीपुर्ण भलिबल प्रतियोगितामा नेपाल शिक्षक महासंघ स्वर्गद्वारी नगरपालिका र स्वर्गद्वारी नगरपालिकाका कर्मचारीहरुको टिम विच प्रतिस्प्रर्धा हुदा नेपाल शिक्षक महासंघ स्वर्गद्वारी नगरपालिकाले जित हात पारेको छ । यस्तै मैत्रीपुर्ण व्याडमिन्टन प्रतियोगीतामा सन्देश श्रेष्ठको टिम प्रथम , मिलन श्रेष्ठको टिम द्धितिय र मनोज श्रेष्ठको टिम तृतिय भएको छ ।

यो संगै स्वर्गद्वारी नगरपालिका प्युठानको आर्थिक सहयोगमा नगर खेलकुद विकास समितीले आयोजना गरेको पाँचौं स्वर्गद्धारी मेयरकप २०८० पुर्ण रुपमा सकिएको छ । मेयरकप कार्तिक १० गतेदेखी सञ्चालन भएको थियो ।

Exif_JPEG_420