प्युठान, भौगोलिक हिसावले दुर्गम मानिने गौमुखी गाउँपालिका नौसय जनाले लिए विशेषज्ञ स्वास्थ्य सेवा लिएका छन् । गौमुखी गाउँपालिका–४ ठुलावेशीमा आयोजना भएको स्वास्थ्य शिविरबाट नौ सय २ जनाले विशेषज्ञ स्वास्थ्य सेवा लिएको गौमुखी गाउँपालिकाका उपाध्यक्ष महाविर रानामगरले जानकारी दिए ।
गौमुखी गाउँपालिकाको आयोजना, स्वास्थ्य कार्यालय प्युठानको समन्वय र काठमाण्डौ मेडिकल कलेज(केएमसी)को प्राबिधिक सहयोगमा एक दिने निःशुल्क बिशेषज्ञ स्वास्थ्य शिविर बुधबार सम्पन्न भएको हो । शिविरमा जनरल मेडिसिन, मृगौला रोग, शल्यक्रिया (सर्जरी), न्युरो सर्जरी, ल्याबसेवा ,इसिजि, भिडियो एक्सरे, स्त्रीरोग, मुटु रोग, हाडजोर्नी तथा नशा रोग, मधुमेह रोग, नाक, कान र घाटी रोग , आँखा रोग, बाल रोग र दन्तरोग बिशेषज्ञहरुबाट स्वास्थ्य परिक्षण, औषधी तथा परामर्श दिइएको गौमुखी गाउँपालिकाका स्वास्थ्य शाखा प्रमुख हरी प्रसाद जैसीले बताए ।
शिविरमा काठमाडौं मेडिकल कलेजका सञ्चालक तथा प्रतिनिधि सभा सदस्य सुनिल कुमार शर्मा, काठमाडौं मेडिकल कलेजका १३ जना विशेषज्ञ स्वास्थ्यकर्मीहरु गौमुखी आएका थिए । शिबिरबाट ५२ जना विरामीहरुमा जटिल प्रकृतिका रोग भेटिएको छ ।
जटिल प्रकृतिका विरामीको निःशुल्क शल्यक्रिया तथा उपचार काठमाण्डौं मेडिकल कलेजले गरिदिने सञ्चालक शुनिल शर्माले प्रतिबद्धता व्यक्त गरेका छन् ।