प्यूठान,५ पुस २०८०ः स्वर्गद्वारी नगरपालिका–५ सारीको आमडाडाँमा जीप दुर्घटना हुँदा एक बृद्धाको ज्यान गएको छ । दुर्घटनामा परी आमडाडाँ की ६८ वर्षीय झमी घर्ति मगरको भिंगृ प्राथमिक स्वास्थ्य केन्द्रमा उपचारको क्रममा मृत्यु भएको जिल्ला प्रहरी कार्यालय प्युठानका सुचना अधिकारी प्रहरी निरीक्षक हुमानन्द खनालले जानकारी दिनुभयो ।
आपधारा देखि सारी तर्फ जादै गरेको लु २ च ६१ नम्बरको जीप बिहिबार ११ः३० मा दुर्घटना भएको थियो । चालक सहित ६ जना यात्रु रहेकोमा अन्य ५ जना घाइते भएका छन् । घाइते हुनेहरुमा स्वर्गद्वारी नगरपालिका–५ का ५५ वर्षीय कृष्णा घर्तिमगर, ५६ वर्षीय चुरा कुमारी घर्तिमगर, ४० वर्षीय अभि घर्तिमगर, चालक ३४ वर्षीय कविराम घर्तिमगर र रोल्पाको सुनिलस्मृति गाउँपालिका ४ का २४ वर्षीय टोप बहादुर रोका रहेको प्रहरी निरीक्षक बताउनु भयो । उहाँका अनुसार घाइतेहरु मध्ये रोकाको अवस्था गम्भिर र अन्यको अवस्था मध्यम छ । घाइते मध्ये चुरा कुमारी, अभि घर्तिमगर र टोप ब। रोकामगर प्राथमिक उपचार केन्द्र भिंगृमा सामान्य उपचार पछि भैरहवा रिफर गरिएको छ ।
चालक प्रहरी नियन्त्रणमा रहेका छन् । सारी देखी डाडाँगाउ जाने कच्ची सडक खण्डमा डबल क्याप जिप अनियन्त्रित भई सडकबाट २० मिटर तल खोल्सामा खसेको प्रहरीको भनाइ छ ।