बबिता रिजाल , पाैष २५ प्युठान । स्वर्गद्वारी नगरपालिका स्तरीय राष्ट्रपति रनिङ्गशिल्डमा विभिन्न पदकहरु हासिल गर्ने विद्यार्थीलाई शिभ पन्थिले पुरस्कार प्रदान गरेका छन् ।
यहि पौष १८ गतेदेखि सञ्चालन भएको पाँचौ राष्ट्रपती रनिङ सिल्ड प्रतियोगितामा १० स्वर्ण पदक सहित प्रथम हुँदै रनिङ सिल्ड आफ्नो पोल्टामा पार्ने जनता माध्यमिक विद्यालयका विद्यार्थी खेलाडीहरूलाई शिभ पन्थीले प्रोत्साहन स्वरूप पुरस्कार दिएका छन ।
पन्थीले विशेष गरेर एथलेटिक्स तर्फ राम्रो प्रदर्शन गर्दै विद्यालयको लागि सिल्ड दिलाउन सफल भएका खेलाडी विद्यार्थीलाई विद्यालयले सम्मान गर्ने भन्दै एक आयोजना गरेको थियो । पन्थीले साेहि कार्यक्रममा पुगेर पुरस्कार वितरण गरेको जनता माविका प्रधानाध्यापक कृष्ण पोख्रेलले बताउनु भयो ।
उनले पदक जित्ने विद्यार्थी खेलाडीलाई प्रति व्यक्तिगत स्वर्ण पदक बापत ५०० , समूह स्वर्णपदक तर्फ प्रति व्यक्ति ४०० , प्रति रजत पदक बापत ३०० र प्रति कास्य पदक बापत २५० का दरले प्राेत्साहन स्वरुप पुरस्कार वितरण गरि हाैसला बढाएका हुन् ।
जसमा सबैभन्दा धरै पुरस्कार पुर्णिामा बसेलले प्राप्त गरेकि छिन् । उनले रनिङशिल्ड प्रतियोगितामा ३ वटा व्यक्तिगत स्वर्णपदक र १ समूहगत स्वर्णपदक जितेकी थिइन । उनले एक्लै १ हजार ९ सय पाएको शिभ पन्थीले जानकारी दिए ।
जनता माविले रनिङ्गशिल्ड प्रतियोगितामा व्यक्तिगत र समूहमा गरी जम्मा १० वटा स्वर्ण पदक , ४ वटा रजत पदक र २ वटा कास्य पदक गरी जम्मा १६ पदक जित्न सफल भएको थियो । व्यक्तिगत र सामूहिक पदक विजेतालाई पन्थीले रू १० हजार नगद पुरस्कार वितरण गरेका हुन् ।
