जनखोजी।प्युठानको स्वर्गद्वारी बहुमुखी क्याम्पसले नवआगन्तुक विद्यार्थीहरुलाई स्वागत गरेको छ।बुधवार स्ववियु एवं स्नातक तह दोस्रो वर्षका विद्यार्थीहरुको आयोजनामा सञ्चालन भएको कार्यक्रममा स्नातक तह प्रथम वर्ष अध्ययनरत विद्यार्थीहरुलाई स्वागत सहित सरस्वती पुजा कार्यक्रम सम्पन्न गरिएको छ।
कार्यक्रममा बोल्दै क्यापस प्रमुख गुन्ज खडकाले सम्पूर्ण विद्यार्थीहरुलाई क्याम्पसको शैक्षिक क्षेत्रको गतिविधि बताउँदै शुभकामना दिनुभएको छ।उहाँले भन्नुभयो”यस क्याम्पसको विकासमा तपाईं हाम्रो सबैको आवश्यकता छ।हातेमालो गर्दै अघि बढ्नेछौं।”
स्ववियु सभापति टेकराज केसीको अध्यक्षतामा सञ्चालन भएको स्वागत कार्यक्रममा प्रमुख अतिथि क्याम्पस प्रमुख गुन्ज खड्का,विशेष अतिथि सहायक क्याम्पस प्रमुख रामकृष्ण शर्मा रहनुभएको थियो।त्यस्तै क्याम्पसका सम्पूर्ण प्राध्यापकहरु,स्ववियु पदाधिकारी एवम् सदस्यहरु,विद्यार्थी संगठनका अध्यक्षहरु,नवआगन्तुक विद्यार्थीहरु एवम् दोस्रो वर्षका विद्यार्थीहरुको आतिथ्यता रहेको थियो।
कार्यक्रममा सरस्वती पुजा गरि स्नातक तह प्रथम वर्षका विद्यार्थीहरुलाई उपहार प्रदान गरिएको स्ववियु सचीव प्रेमबहादुर विश्वकर्माले बताउनुभयो।सोही कार्यक्रममा प्राध्यापक एवम् विद्यार्थीहरुले विभिन्न विधाका प्रतिभाहरु प्रस्तुत गरेको समेत विश्वकर्माले बताउनुभयो।
अतिथि एवम् नवआगन्तुक विद्यार्थीहरुलाई स्ववियु उपसभापती गगन गिरीले स्वागत मन्तव्यद्वारा स्वागत गर्नुभएको थियो।कार्यक्रमको सञ्चालन भने स्ववियु सदस्य एवम् स्ववियु अतिरिक्त क्रियाकलाप बिभाग संयोजक केशर सुनारले गर्नुभएको थियो।
तस्वीर:केशर सुनार/जनखोजी
