जनखोजी, प्युठान । समाजसेवी बिष्णु शर्माले जन्मदिनको खर्च कटाएर बेसहारालाई आर्थिक सहयोग गर्नुभएको छ । मल्लरानी गाउँपालिका ३ जेविन्डाडा निवासी शर्माले मल्लरानी गाउँपालिका २ मधुगैरमका दिन बहादुर नेपालीको परिवारलाई रु ५ हजार सहयोग गरेको जानकारी दिनुभयो ।
नेपाल कम्युनिष्ट पार्टी(माओवादी केन्द्र)को मल्लरानी गाउँपालिका समितिका उपाध्यक्ष समेत रहेका शर्माले ३० औं जन्मदिनको अवसरमा आर्थिक सहयोग हस्तान्तरण गर्दै आधुनिकता सँगसँगै जन्मदिनलाई पछिल्लो समयमा भड्किलो र प्रतिस्पर्धात्मक रुपमा लगि समाजमा विदेशी संस्कृति भित्राउने चलन चलेको बताउनुभयो । उहाँलेआफ्नो जन्मदिनलाई रचनात्मक तरिकाले मनाएको समेत बताउनुभयो।
शर्मा राजनीति, समाजसेवा सँगै अर्जुन इङलिस बोडिङ्ग स्कुल भूमिकास्थान ढाकावाङ्गका प्रिन्सिपल र ढाकावाङ्गमै प्युठान डटकम कम्प्युटर संचालन समेत गर्दै आउनुभएको छ।
सहयोग कार्यक्रममा नेकपा माओवादी केन्द्रका लुम्बिनी प्रदेश नेता यज्ञ बहादुर के.सी.(प्रभात), प्रदेश नेता नारायण भट्टराई(नविन) लगायतको उपस्थिति रहेको थियो ।