केशर सुनार,प्युठान।राप्ती साहित्य परिषद् प्युठान शाखाको पन्ध्रौं साधारण सभा तथा पाँचौ अधिवेशन र रचना वाचन कार्यक्रम सम्पन्न भएको छ।
शनिबार जुम्रीमा आयोजित कार्यक्रममा साहित्य परिषद् प्युठान शाखाकी अध्यक्ष बिमला खनालको अध्यक्षतामा सञ्चालन भएको कार्यक्रममा जिल्ला समन्वय समिति प्युठानकि उपप्रमुख दुर्गा रेग्मीको प्रमुख आतिथ्यता रहेको थियो।कार्यक्रममा प्युठान नगरपालिकाका उपमेयर देवेन्द्र वर्मा र जिल्ला प्रहरी कार्यालय प्युठानका प्रमुख ईश्वर थापाको विशेष आतिथ्यता रहेको थियो।त्यस्तै साहित्य परिषद्का पूर्व अध्यक्षहरु,सल्लाहकारहरु,नेपाल पत्रकार महासंघ प्युठानका अध्यक्ष सन्जय रिजाल,साहित्य अनुरागी एवम् सञ्चारकर्मीहरुको आतिथ्यता रहेको थियो।
साधारण सभा सँगै भएको अधिवेशनबाट रामप्रसाद पोख्रेल अध्यक्षमा सर्वसम्मत विजयी भएका छन् ।उपाध्यक्षमा श्यामबहादुर बिस्ट,सचीवमा लोकेन्द्र जिसी,सहसचिवमा लक्ष्मी मगर ‘संघर्ष’ , र कोषाध्यक्षमा टिकाराम रिजाल विजयी भएका हुन् ।त्यस्तै सदस्यहरुमा के आर सुनार,भुपेन्द्र केसी,भावना पुरी,शान्ति पण्डित,सिमाना विक,बिमा परियार विजयी भएका छन् ।
परिषद्को सल्लाहकार समितिमा भूतपूर्व अध्यक्षहरु सुशील पोख्रेल,टोपाराम आचार्य,कमल पोख्रेल,देवेन्द्र कुमार रिजाल र विमला खनाललाई मनोनयन गरिएको परिषद्का सचिव लोकेन्द्र जिसीले बताए।
कार्यक्रममा साहित्यप्रेमी,सञ्चारकर्मी,विद्यार्थी लगायतका व्यक्ति गरि ६० जना बढीको उपस्थिति रहेको थियो।कार्यक्रममा उपस्थिति साहित्य अनुरागी व्यक्तिहरुले आफ्ना विभिन्न रचना वाचन गरेका थिए।राजकुमारी कुँवरले सञ्चालन गरेको कार्यक्रममा स्वागत मन्तव्य भने लोकेन्द्र जिसीले राखेका थिए।
