हिरामाया श्रेष्ठ
महिला सामुदायिक स्वास्थ्य स्वयंसेवक
गजुरी १ धादिङ

मुक्तक-1
अब भोलि देखि महिना सङ्गै साल बेग्लै हुन्छ ।
घिन्ताङ घिन्ताङ मादलु को ताल बेग्लै हुन्छ ।।
आशा गरौ आउदो दुई हजार एकासी सालमा ।
बासुरी को धुनले ल्याउने कमाल बेग्लै हुन्छ ।।

मुक्तक-2

48° तापक्रम खप्न बिदेश ,जाने हरु मर्ने भए ।
18 % ब्याजदर मा ऋण ,लाने हरु मर्ने भए ।।
कतै अना,कतै अति,कतै खण्ड वृष्टि हुदाखेरि ।
हुने खाने हरु भन्दा हुदा , खाने हरु मर्ने भए ।।

मुक्तक-3

भित्र आँसु देखावटी ,हासो लैजाउ तिम्रो
चाहिदैन भो मायाको,नासो लैजाउ तिम्रो
भ्यालेन्टाइन डेको उपहार गलबन्दी आज
बन्ने भयो आफ्नै गला,पासो लैजाउ तिम्रो

मुक्तक-4

छाड्नुस यहाँ सत्यको नि , हार हुने रहेछ ।
जिउने भन्दा बढी मर्ने , आधार हुने रहेछ।।
तिमी सङ्ग प्रेम गर्नु नै ठूलो भुल भयो मेरो ।
बल्ल बुझे यहाँ प्रेम को व्यापार हुने रहेछ ।।

मुक्तक-5खैरेत हुदैन पछाडी कुरा ,काट्दै हिड्यौ भने
अरुलाइ झै मलाइ पनि , ढाट्दै हिड्यौ भने
अग्नि साक्षी राखी सात , फन्का घुमाका छौ
बिच बाटोमै अरुसङ्ग मन,साट्दै हिड्यौ भने

मुक्तक-6

एउटा अबोध बालिकाको इज्जत तन बाटै लुटिन्छ ।
हाड्नाता या आफ्नै आफन्त जन बाटै लुटिन्छ ।।
एकपटक गुमेको अस्तित्व फिर्ता हुन नपाउदै फेरि ।
अर्किको इज्जत रुप,रङ्ग अनि यौबन बाटै लुटिन्छ ।।

मुक्तक-7

आखिर गल्ती बारम्बार गर्छन नेता भएर नि ।
हत्या हिंसा बलात्कार गर्छन नेता भएर नि ।।
जनतालाई भ्रम छरी फाइदा उठाउदै छन ।
घुस खादै भ्रष्टाचार गर्छन नेता भएर नि ।।

मुक्तक-7

जुनि भरी साथ दिने , वर बदल्न नपरोस
नाम सङ्गै जोडिएको ,थर बदल्न नपरोस
एक पटक कन्यादान, गरेर आइसके पछि
कन्यादान गरि आको ,घर बदल्न नपरोस

मुक्तक-8

उनको मलाइ जवर्जस्ती गर्ने लत बसेको छ ।
नकार्दा मेरो जिउमा गहिरो खत बसेको छ ।।
मायाले फकाउनु त झन कता हो कता बरै ।
कुटेर या लुटेर प्यास मेट्ने आदत बसेको छ।।