जनखोजी समाचार
झिमरुक गाउँपालिकाले आर्थिक वर्ष २०८२/०८३ को दोश्रो चौमासिकको सार्वजनिक सुनुवाई कार्यक्रम सम्पन्न भएको छ । सोमबार गाउँपालिकाको सभाहलमा सार्वजनिक सुनुवाई कार्यक्रम सम्पन्न भएको हो ।
सार्वजनिक सुनुवाई कार्यक्रममा प्रमुख प्रशासकीय अधिकृत अमरराज सेजुवालले आर्थिक वर्ष २०८२/०८३ को दोश्रो चौमासिक सम्म गाउँपालिकाले गरेका प्रगतिको प्रतिवेदन प्रस्तुत गर्नुभएको थियो । बने नागरिक प्रतिवेदन र बर्हिगमित अभिमतपत्रको प्रतिवेदन झुलेनी पोष्का सम्पादक हरि प्रसाद भण्डारीले प्रस्तुत गर्नुभएको थियो ।
कार्यक्रममा सहभागिहरुले गाउँपालिकाले कार्यन्वयन गरिरहेका योजना, अब बन्ने नीति तथा कार्यक्रम, सेवा प्रवाह, प्रशासनिक कार्यसञ्चालन लगायतका विषयमा प्रश्न, जिज्ञासा र सुझाव राखेका थिए । अभिमतपत्र र सहभागिबाट आएका प्रश्न र जिज्ञासाको जवाफ गाउँपालिका अध्यक्ष पित बहादुर महतरा क्षेत्री, उपाध्यक्ष प्रमोद पोख्रेल, प्रमुख प्रशासकीय अधिकृत अमरराज सेजुवाल, वडा अध्यक्ष र शाखा प्रमुखहरुले दिनुभएको थियो ।
गाउँपालिका अध्यक्ष महतराको अध्यक्षतामा भएको कार्यक्रमको सञ्चालन नेपाल पत्रकार महासंघका सहसचिव एवं बुकी मिडिया प्रा.लि. का अध्यक्ष बोम बहादुर परियारले गर्नुभएको थियो । कार्यक्रममा जनप्रतिनिधि, राजनीतिक दलका प्रमुख तथा प्रतिनिधि, स्थानीय नागरिक, पत्रकार लगायतको उपस्थिती रहेको थियो ।
