प्युठान, विवादिद हुँदाहुँदै माण्डवी गाउँपालिकाले कार्यान्वयनमा लैजान खोजेको शिक्षा नियमावली फिर्ता लिन माण्डवी गाउँपालिका उपाध्यक्ष सहितका वडा अध्यक्षहरुले माग गरेका छन् । उनीहरुले बिहिबार एक बिज्ञप्ती जारी गर्दै संघीय शिक्षा नियमावलीसंग बाझीएको र विद्यालय प्रधानाध्यापकहरुको अधिकार कटौती गरेको भन्दै सहमती फिर्ता लिएको विज्ञप्ती माफृत जानकारी गराएका छन् ।
यस्तो छ विज्ञप्ती
मितिः २०७८।०७।११ ग्त
प्रस्तुत विषयमा यस माण्डवी गाउँपालिका कार्यालय जस्पुर प्युठानले यहि मिति २०६४ असोज २५ गते कार्यपालिकाको बैठकमा प्रश्ताव नं. ४ माथी शिक्षा नियमावली २०७४ लाई संशोधन गरी सामुदायिक विद्यालयहरुमा गाउँपालिकाले आन्तरिक श्रोतवाट नियुक्ती गरिने शिक्षकहरुको विषयमा केही धारा संशोधन हुने गरी निणर्य भएकोले उक्त धारा संघीय शिक्षा नियमावलीसंग बाझिएको साथै विद्यालय व्यवस्थापन समितिको अध्यक्ष र विद्यालय प्रधानाध्यापकको अधिकार कटौती हुने गरी निर्णय भएकोले उक्त प्रश्तावमा प्रष्ट नभएको हुँदा हामीले गरेको सहमती फिर्ता लिने निर्णय गरियो ।
१. माण्डवी गाउँपालिका उपाध्यक्ष मुगा पुन
२. माण्डवी गाउँपालिका १ वडा अध्यष चिन्त बहादुर के.सी.
३.माण्डवी गाउँपालिका ३ नं. वडा अध्यष डम्मर बहादुर पौडेल लेखिएको छ ।
जवर्जस्त कार्यान्वयनको पक्षमा गाउँपालिका
विवादित बनेको संशोधित शिक्षा नियमावली शिक्षा नियमावली २०७४ लाई जवर्जस्त कार्यान्वयनको मार्गमा गाउँपालिका लागेको छ । बिहिबार मात्रै अध्यक्ष रोकाले शिक्षा सम्बद्ध कार्यालय प्रमुख, शिक्षक संगठनहरुका प्रतिनिधि बोलाएर कार्यान्वयनका लागि केही सहज मार्ग खोलेका छन् । उनीहरुले संशोधन गरी कार्यान्वयन हुन थालेको नियमावली करार शिक्षकलाई मात्रै लागु गर्न सहमती जनाएका हुन् ।