प्युठान, नेकपा एमालेका केन्द्रीय पोलिटव्यूरो सदस्य तथा प्युठान जिल्ला इन्जार्ज सुर्य थापाले सामाजिक न्यायका पक्षधर, अनुुशासितहरूको पार्टी बनाउन भूमिका खेल्ने सुर्य थापाले बताएका छन् ।
प्रेस चौतारी नेपाल जिल्ला शाखा प्युठानले शनिवार नेकपा एमाले पार्टी कार्यालय विजुवारमा गरेको पत्रकार भेटघाट तथा नवनिर्वाचित केन्द्रीय सदस्यहरूलाई स्वागत सम्मान कार्यक्रममा बोल्दै थापाले सो कुरा बताएका हुन् । उनले फरक विचार राख्नेहरूको सहकार्यमा प्युठानको विकाससंगै कार्यकर्तालाई विशेष प्रशिक्षण सञ्चालन गरेर पार्टीलाई अनुशासित, सामाजिक न्यायको पक्षधर तथा जनताको एक्लो पार्टीको रूपमा स्थापित गरिने बताएका हुन् । थापाले एमालेले जनतामा भन्ने कुरालाई सुत्रबद्ध गर्ने, सिद्धान्त, राजनीति , अनुशासन, लयमा पार्टीलाई अगाडि बढाउने कार्य गर्न योजनाको विषयमा छलफल शुरू गरेको जनाकारी दिए ।
कार्यक्रममा नेकपा एमाले केन्द्रीय पोलिटव्युरो सदस्य तथा सुर्य थापा, केन्द्रीय सदस्य तथा प्युठान जिल्ला सहइन्चार्ज हरी प्रसाद रिजाल, केन्द्रीय सदस्य तथा बर्दिया जिल्ला सहइन्चार्ज भिम बहादुर के.सी., प्रदेश कमिटी सदस्य विजय विराज बिष्ट लगायत जिल्ला नेताहरूको उपस्थिति रहेको थियो ।
एमालेको हालै चितवनमा सम्पन्न भएको १० औं महाधिवेशनबाट निर्वाचित उनीहरु पहिलो पटक प्युठानमा आएका हुन् । उनीहरुलाई प्युठानमा कार्यकर्ताहरुले बधाई तथा सम्मान व्यक्त गर्ने कार्यक्रम गरेका छन् ।
कार्यक्रममा बोल्दै केन्द्रीय सदस्य हरी प्रसाद रिजालले चितवनमा सम्पन्न १० ओेैँ महाधिवेशनले एमाले विश्वकै ठुलो प्रजातान्त्रिक पार्टी भएको दावी गरे ।जिल्लाको केन्द्रमा पहुँच नपुगेको कारणले पछि परेको भन्दै जिल्लामा समन्वयकारी भूमिकाबाट एकताबद्ध गरि विकास निर्माण गर्ने मुख्य भुमिका खेल्ने बताए । उनले गठबन्धनलाइ अप्राकृतिक भएको आरोप लागे । उनले आँप र नासपातीको कलमी मिलनको संज्ञा दिए ।