प्युठान, माओवादी केन्द्रका नेता नारायणकाजी श्रेष्ठ(प्रकाश)ले एमसिसि यथास्थितिमा पास नहुने बताएका छन् । आज सामाजिक सञ्जालमा सत्ता गठबन्धन एमसिसि पास गर्न सहमत भन्ने खवर आएपछि उनले सामाजिक सञ्जालमा स्पष्ट पारेका छन् ।
के लेखे त काजीले ?ः
कुनै भ्रममा नपरौंः प्रम देउवाले एमसिसिसँगको सँझौता पारित नगरे सत्तारुढ गठबन्धन तोडिन्छ भनेर भन्नुभएको भन्ने सत्य होइन।आजको बिन्दुसम्म उहाँले त्यसो भन्नुभएको छैन।
गठबन्धनमा एमसिसि कम्प्याक्ट सँझौता पारित गर्ने सहमति भयो भन्ने कुरा पनि सत्य होइन।कमसेकम हाम्रो पार्टी यथास्थितिमा त्यसको पक्षमा छैन ।
हाम्रो पार्टी गठबन्धनको एकता कायम राख्न चाहान्छ , साथै राष्ट्रिय सार्वभौमिकता ,स्वाधीनता र राष्ट्रिय हितलाई सर्वोपरि राख्छ र त्यसको निम्ति दृढ रुपमा प्रतिबध्द छ । हाम्रा लागि अन्य सबै बिषय त्यस मातहत रहनेछन् ।