जनखोजी
प्युठान, प्युठानमा लेलिनलाई सम्झदै नेपाली कम्युनिस्ट आन्दोलनको समिक्षा गरिएको छ । नेपाल कम्युनिस्ट पार्टी(मसाल) जिल्ला समिति प्युठानको आयोजनामा
लेनिन शताब्दी स्मृतिदिवसको अवसरमा अन्तरक्रिया कार्यक्रम गरिएको हो

कार्यक्रममा राष्ट्रिय जनमोर्चाका उपाध्यक्ष दुर्गा पौडेलले ठोस परिस्थितिको ठोस विश्लेषण गर्दै अबको रणनीति र कार्यनीति बनाउन आवश्यक रहेको बताउनुभयो । पौडेलले नेपालको कम्युनिस्ट आन्दोलनलाई अघि बढाउन संयुक्त मोर्चाको आवश्यकता रहेकोसमेत औल्याउनुभयो । उहाँले लेनिनको विचार अझै आवश्यक रहेको उल्लेख गर्नुभएको थियो ।
कार्यक्रममा नेकपा (माओवादी केन्द्र)का केन्द्रीय सदस्य तथा संविधान सभा सदस्य नारायण अधिकारीले रुसमा ४८ वर्षको उमेरको लेनिनले रुसी क्रान्ति सफल गरेको भन्दै अहिले कम्युनिस्ट आन्दोलनमा देखिएको चुनौती चिर्नका लागि कम्युनिस्ट नेताहरूले सोच्नुपर्ने बताउनुभयो ।देशमा एउटा मात्र कम्युनिस्ट पार्टी रहने भन्दै नेपालमा पनि त्यसलाई एकताबद्ध गर्न माक्र्सवादको नयाँ व्याख्या गर्नुपर्नेमा नेता अधिकारीले जोड दिनुभयो । उहाँले भन्नुभयो, माक्र्स, लेलिन र माओको पालाको सामन्तबाट, पुजिवाद र आजको पुजिवादको सार उही भएपनि तरिका बललिएको छ । विज्ञान प्रविधि र बित्तिय पुजिवादको विश्वव्यापी समस्या देखिएको छ । नेपालको सन्दर्भमा यस्को व्याख्या गरी कम्युनिस्ट पार्टीहरु एउटामा निष्कर्षमा पुगे मात्रै नेपालमा समाजवादी बाटो उन्मुख हुन सकिन्छ । अधिकारीले लेलिनलाई सम्झदै सारलाइ चाहिने कम्युनिस्ट सामग्री प्रदान गरेर गएका क्रान्तिकारी योद्धाको रुपमा चित्रण गर्नुभयो । उहाँले नेपालमा बित्तिय साम्राज्यवाद, विज्ञान र प्रविधिको बिकासले पारेको प्रभावलाई ठोस विश्लेषण गरी माक्र्सवादको विकास नहुनु दुःखद रहेको जिकिर गर्नुभयो । उहाले थप्नुभयो, थप विकास आवश्यकता छ । कम्युनिस्ट आन्दोलनमा समस्या आएको पनि अहिलेको माक्र्सवादको गहिरो विश्लेषण नहुनुहु हो । युवामा कम्युनिस्ट पर्ति आकषर्ण गर्न नसक्नु पनि समस्या छ । लेलिनलाई फेरि पढौं । जनता, मान्छे र कार्यकर्ता नभइ क्रान्ति सम्भव नहुने उहाँको भनाइ थियो।
क्वाडीको बालमन्दिरमा आयोजना गरिएको अन्तक्र्रिया कार्यक्रममा बोल्ने वत्ताहरूले लेनिनले कम्युनिस्ट आन्दोलनका लागि गरेको योगदानको चर्चा गर्दै अहिलेको परिवेशमा कम्युनिस्ट पार्टीले अबको कार्यदिशाको बारेमा विचार विमर्श गरेर रणनीति र कार्यनीति बनाउनुपर्ने बताएका छन् ।

नेकपा (मसाल) लुम्बिनी प्रदेशका प्रवक्ता तिलक जिसीले कम्युनिस्ट आन्दोलनलाई कमजोर बनाउन कम्युनिस्ट विचार पुरानो भयो भनेर भ्रम फैलाउने काम भइरहेको बताउनुभयो ।
‘संसदीय व्यवस्था पुरानो नहुने, त्यसपछि आएको माक्र्सवाद पुरानो कसरी हुन सक्छ ?’ उहाँले भन्नुभयो– ‘माक्र्सवाद, साम्यवाद, वैज्ञानिक समाजवाद गतिशील छन् ।’

कार्यक्रममा नेकपा ९एकीकृत समाजवादी० का जिल्ला उपसचिव खिमबहादुर सुनार, राजमो जिल्ला अध्यक्ष ज्ञामुराम न्यौपानेले आफ्नो धारणा राख्नुभएको थियो ।