प्युठान ४ फागुन, ग्लोबल आइएमई बैंकको बिजुवार शाखाले शुक्रबार वित्तीय साक्षरता कार्यक्रम सम्पन्न गरेको छ । शाखाले वित्तीय साक्षरता ÷डिजिटल बैंकिङ्ग सम्बन्धि कार्यक्रम गरेको हो ।
प्युठानको व्यापारिक केन्द्र मानिदै आएको विजुवार बजारका व्यवसायी, युवा, विद्यार्थीहरुको सहभागितामा कार्यक्रम भएको हो । वित्तीय लक्ष्य निर्माण, बचत, ऋण, बजेट, रेमिट्यान्स, बैंकिङ जालसाजी, डिजिटल बैंकिङ गर्दा, बैंकले सञ्चालनमा ल्याएका डिजिटल कारोवारका बारेमा शाखा प्रबन्धन दिलिप बिष्ट र रिलेशनशीप व्यवस्थापक सुशील अधिकारी लगायतका कर्मचारीहरुल दिनुभएको थियो ।
डिजिटल बैंकिङसम्बन्धी अभिमुखीकरण नहुँदा र असावधानीका कारण ठगीका घटना भइरहेका छन् । जसलाई न्यूनीकरण गर्न ग्लोबल आइएमई बैंकले सञ्चालन गरेको वित्तीय साक्षरता कार्यक्रम निकै फलदायी रहेको सहभागीले बताए ।
बैंकिङ्ग प्रणाली सजिलो माध्यम भएको हुँदा यसलाई सावधानी पूर्वक प्रयोग गरी सहज लाभ लिन सकिने प्रबन्ध बिष्टले बताउनु भयो ।