प्युठान,२६ फागुन(जनखोजी)।माओवादी नेता बुद्ध बहादुर बस्नेतद्वारा ऎरावतीमा शिवालयको उद्घाटन भएको छ। नेकपा (माओवादी केन्द्र) लुम्बिनी प्रदेश समितिका सचिवालय सदस्य एवम अखिल नेपाल किसान महासंघ (क्रान्तिकारी केन्द्र) का केन्द्रिय समितिका उपमहासचिव बुद्ध बहादुर बस्नेतले शनिबार एक कार्यक्रमका बीच ऎरावती-६ बिहिखोलामा शिवालय उदघाटन गर्नुभएको हो।

बस्नेतले शिवालयलाई धार्मिक र पर्यटकहरुको आकर्षकको रुपमा व्यवस्थित गर्नुपर्ने बताउनुभयो।शिवालयमा मन्दिर निर्माण गर्नको लागि आफुले बजेट व्यवस्थापनको सुनिश्चितता गर्ने प्रतिबद्धता व्यक्त गर्नुभएको छ । बस्नेतले भन्नुभयो;”ऐरावतीको सम्पुर्ण विकास र निकासमा जनताको साथमा रहि विकासको सारथि बन्न जनतालाई आव्हान गर्दछु।”