२६ साउन,प्युठान।नेकपा एमाले निकट विद्यार्थी संगठन अनेरास्ववियु जिल्ला समिति प्युठानको अध्यक्षमा टेकराज केसी सर्वसम्मत निर्वाचित भएका छन्।शनिबार सम्पन्न १५ औं जिल्ला सम्मेलनले टेकराज केसीको अध्यक्षतामा ३७ सदस्यीय जिल्ला समिति निर्वाचित भएको नवनिर्वाचित जिल्ला सचिव प्रेम मगरले बताए।
केसीको अध्यक्षतामा निर्वाचित सम्मेलनबाट उपाध्यक्षमा बिकास केसी र सुबास सुनार,सचिवमा प्रेम मगर,सहसचिवमा साल्बिका आचार्य र माधव भण्डारी,कोषाध्यक्षमा लोकेन्द्र खत्री सहित ३७ सदस्यीय जिल्ला समिति निर्वाचित भएका छन् ।
अनेरास्ववियु प्युठानको अध्यक्ष दिलबहादुर दसौदिको अध्यक्षतामा सञ्चालन भएको १५ औं जिल्ला सम्मेलनमा अनेरास्ववियुका केन्द्रिय अध्यक्ष समिक बडालको विशेष आतिथ्यता,नेकपा एमाले प्युठानका अध्यक्ष बिजयबिराज बिष्ट,अनेरास्ववियुका केन्द्रिय उपाध्यक्ष धरम गिरी र केन्द्रिय सचीव एवम् लुम्बिनी प्रदेश ईन्चार्ज विनिता काफ्लेको विशेष आतिथ्यता रहेको थियो ।त्यस्तै लुम्बिनी प्रदेशका पुर्वमन्त्री एवम् सांसद तुल्सिराम न्यौपाने,अनेरास्ववियुका प्रदेश अध्यक्ष सन्तोष बाठा मगर,प्रदेश सचीव रमेश ढकाल एवं जिल्लास्थित पार्टी नेता र विद्यार्थी नेताहरुको आतिथ्यता रहेको थियो।
पदभार गरेसँगै अध्यक्ष टेकराज केसीले अब शैक्षिक विकृति र विसंगतिका विरुद्ध सामाजिक अभियान सुरुवात गर्ने प्रतिबद्धता व्यक्त गरेका छन्।विद्यार्थी आन्दोनलमा शैक्षिक मुद्दाहरुको बहस जरुरी रहेको केसीले बताए।
केसी अघिल्लो कार्यकालमा जिल्ला सचिव रहेका थिए।उनी स्वर्गद्वारी बहुमुखी क्याम्पस प्युठानका स्ववियु सभापति समेत हुन्।
नेकपा एमाले प्युठानको पार्टी कार्यालयमा सम्पन्न भएको उक्त सम्मेलनमा सबै पालिकाका विद्यार्थी प्रतिनिधिहरुको सहभागी रहेको थियो।
