गौमुखी गाउँपालिकामा यस आर्थिक वर्ष ०७९/८० मा चालू र पुजीगत तर्फका समग्र योजना तथा कार्यक्रमहरु जम्मा ५९१ वटा रहेका छन् । हालसम्म ९०५ योजना तथा कार्यक्रमहरु सम्झौता भएर कार्यान्वयनको प्रक्रियामा रहेका छन् ।
जनताकै कर बाट संकलन भएको बजेट बाट बिनियोजित योजना तथा कार्यक्रमहरुलाई बढी भन्दा बढी उपलब्धिमुलक बनाउने तर्फ सबैपक्षले जिम्मेवार भएर सोच्नुपर्दछ । आम उपभोक्ताहरुले पनि आफ्नो घर आगनमा प्राप्त भएको बजेट बाट आफ्नै समुदायको विकासका लागि योगदान गर्न खुसी साथ लाग्ने वातावरण बन्नुपर्छ ।
निश्चित स्वार्थ समुहको हैन आमसमुदायको हित पर्बर्धन गर्न जनप्रतिनिधि,कर्मचारी र उपभोक्ता समिती एवं निर्माण व्यवसायीहरु लाग्नुपर्छ । कतिपय सन्दर्भमा केही व्यक्तिहरु बाट कर्मचारी वा जनप्रतिनिधिहरुले अवाञ्छित स्वार्थमा लागेर कामको गुणस्तरमा सौदाबाजी गर्छन् भन्ने टिकाटिप्पणीहरु सुनिने गरेको छ । भनिन्छ घुस लिने र दिने दुबै अपराधी हुन् त्यसैले हरेक गलत क्रियाकलापहरुलाई नियन्त्रण गर्न सचेत नागरिक समाजको महत्त्वपूर्ण भुमिका हुन्छ ।
विभिन्न कोण र माध्यमहरु बाट स्थानीय सरकारका लागि व्यक्त भएका आलोचना र सुझावहरुमा हाम्रो गम्भीरतापूर्वक ध्यानाकर्षण भएको छ । यदि कुनै गलत गतिविधिहरु कहिँकतै देखेसुनेको खण्डमा कार्यालयका जिम्मेवार अधिकारी वा हामी जनप्रतिनिधिहरुलाई सूचना दिएर सुशासन,पारदर्शिता र जबाफदेहिता कायम गर्ने गराउने कार्यमा सहयोग पुर्याउनु हुन हार्दिक अनुरोध गर्दछौँ ।
तपाईं हामी सबै पक्ष जिम्मेवार भएर अगाडि नबढेमा समाजको विकास प्रक्रियामा बाधा पुग्ने निस्चित छ । सबैले आ-आफ्नो जिम्मेवारी इमानदारीपूर्वक बहन गरौं ।
