तुल बहादुर कवँर मगर
देउखुरी,१२वैशाख ःदाङको राप्ती गाउँपालिका वडा नम्बर ५ पहरुवा र ८ काे पिपरीमा साेमबार देखि एकैसाथ गरिबी निवारणका लागि लघु उद्यम विकास कार्यक्रम (मेडपा) अन्तर्गत तीन महिने कटाई सिलाई सम्बन्धी सीप विकास तालिम शुरु भएको छ ।
“स्थानीय श्राेत र साधनको सदुपयोग गराैं,सीप सिकाैं आम्दानी वृद्धि गराैं” भन्ने मुल नाराका साथ तालिम राप्ती गाउँपालिकाकाे आर्थिक सहयोग तथा समृद्व नेपाल दाङको आयोजनामा शुरू भएको हाे।
वडा नम्बर ८ का वडा अध्यक्ष चन्द्रबहादुर गुरुङको अध्यक्षता तथा राप्ती गाउँपालिकाका अध्यक्ष प्रकाश विष्टको प्रमुख आतिथ्यता एवं उपाध्यक्ष कमलापति चाैधरीको विशिष्ठ आतिथ्यतामा तालिम उद्घाटन कार्यक्रम भएको हो ।
तालिम उद्घाटन गर्दै अध्यक्ष विष्टले महिलाहरुलाई सिप मार्फत आत्मनिर्भर बनाउने उदेश्यले तालिम संचालन गरिएको बताउँदै तालिममा सिकेको सिपलाई व्यवहारमा लैजान सके आर्थिक रुपमा समेतको सक्षम बन्न सकिने बताए ।
त्यस्तै उपाध्यक्ष चाैधरी मानिसको जीवनमा सिप महत्त्वपूर्ण हुने भएकाले मेहनतका साथ निरन्तर तालिममा सहभागी हुन प्रशिक्षार्थीलाई आग्रह गरिन।साे कार्यक्रममा लुम्बिनी प्रदेश सहकारी बाेर्डका उपाध्यक्ष टिकाराम पाेख्रेल, पालिकाका प्रमुख प्रशासकीय अधिकृत नेब बहादुर ओली,प्रशासन शाखा प्रमुख विकास ज्ञवाली,समृद्ध नेपालका अध्यक्ष भिम बहादुर बस्नेत ,उद्यम विकास सहजकर्ता अमिता चाैधरी लगायतकाे सहभागीता रहेको थियोे।पहरुवामा २० र पिपरीमा २० जना गरि जम्मा ४० जना महिलाहरु सहभागी तालिमको प्रशिक्षकमा सरिता चाैधरी र तारा परियार रहनु भएको छ।
उद्घाटन कार्यक्रमको सहजीकरण उद्यम विकास सहजकर्ता विनिता चाैधरीले गरेेकि थिइन ।
