बबिता रिजाल कार्तिक १८ , प्युठान । शुक्रबार मध्य राति ११.४७ बजे जाजरकोट केन्द्र विन्दु भएर गएको ६.४ रेक्टर स्केलको विनाशकारी भुकम्पले प्युठानमा पनि सामान्य क्षति पुर्याएको छ । भुकम्पका कारण स्वर्गद्वारी न. पा. वडा न. ८ ब र्जिबाङ निवासी तुम बहादुर थापा मगरको दुई वटा घर भत्किनुका छन् । घर भत्किएर क्षेतविक्षेत भएका छन् । घरमा वस्न सक्ने अवस्था छैन ।स्वर्गद्वारी नगरपालिका –७, तापास्थित गिर बहादुर भण्डारीको घरमा पनि क्षेति पु¥याएको छ ।
बर्जिवाङका अन्य गाउँमा समेत घर गोठ भत्किनुका साथै चर्किएर घरमा वस्न मिल्ने अवस्था छैन । स्वर्गद्वारी नगरपालिका वडा नं ३ मा पनि केही घर चर्किएको स्थानियले बताएका छन् ।
माण्डवी गाउँपालिका ३ का नम बहादुर क्षत्रीको घरमा आंशीक क्षति पुगेको छ भने माण्डवी ३ का गोकर्ण नेपाली घाईते भएका छन् । गोकर्णलाई जिल्ला अस्पतालमा सामान्य उपचार पछि बुटवल रेफर गरीएको छ ।
गौमुखी गाउँपलिकामा भुकम्प आएपछि भाग्न खोज्दा बसन्ता न्यौपाने घाईते हुनुभएको छ । उहाँलाई जिल्ला अस्पताल विजुवार लगिएको थियो । यस्तै झिमरुक गाउँपालिकामा पनि गएरातिको भुकम्पले क्षती पुर्याएको छ । झिमरुक गाउँपालिका २ बाँदिकोटका पुर्ण बहादुर खड्काको घरमा आशिंक र रुम बहादुर खड्काको गोठमा क्षति पुगेको छ ।
