जनखोजी संवाददाता
प्युठान, प्युठानमा बेसार प्रशोधन केन्द्रको स्थापना गरिएको छ ।
भोलुन्टेयर नेपाल नेशनल ग्रुप (भोल नेपाल)को समन्वय र जापान सरकार ग्रासरुट्स ह्युमन सेक्युरिटी प्रोजेक्ट(जिजिपी)को अनुदान सहयोगमा प्युठान नगरपालिका–८ गेजवाङमा बेसार प्रशोधन केन्द्र स्थापना भएको हो । मंगलवार नेपालका लागि जापानी राजदुत किकुता युताकाले प्युठान नगरपालिकालाई हस्तान्तरण गरेका छन् ।
अत्याधुनिक वेसार प्रशोधन प्लान्ट जडान भएकोछ । बाली उत्पादन क्षमता सुधार तथा बेसार प्रशोधन गर्न आवश्यक १० वटा उपकरण खरिद गर्न जिविपीले १ करोड रुपैया उपलब्ध गराएको हो । प्रशोधन गर्ने सुविधा नहुँदा किसानले हातले प्रशोधन गर्ने र विक्री वितरण गर्ने गर्दै आएका थिए । प्रशोधन केन्द्रले ६ सय बढी घरधुरीको जीवीकोपार्जनमा सहजता ल्याउने प्युठान नगरपालिकाका नगरप्रमुख विष्णु योगीले बताए ।

जापानी राजदुत किक्युटा युटाकाले उद्योग हस्तान्तरण गर्दै भने,“न्यून आय भएका महिलाहरु आफ्नो बारिमा बेसार खेति गर्नेछन् र गुणस्तरिय बेसार बनाई राम्रो जिविकोपार्जन गर्नेछन् ।झझ राजदुत युकाटाले उक्त परियोजनाले उच्च गुणस्तरीय बेसार उत्पादन गर्ने र किसानहरुको आर्थिक सामाजिक एवम् शैक्षिक सशक्तीकरण हुने र नेपाल र जापान बिचको सम्बन्ध समेत थप बलियोहुने बिश्वास व्यक्त गरेकाछन् ।
बेसार प्रशोधन सुविधा केन्द्रको उद्घाटन एवं हस्तान्तरण कार्यक्रममा जापानी राजदुत किकुता युताका, प्युठान नगरपालिकाका मेयर विष्णु योगी, भोल नेपालका सल्लाहकार मोहन कृष्ण श्रेष्ठ, भोल नेपालका अध्यक्ष शिव रिमाल, जनप्रतिनिधि, सुरक्षाकर्मी, सहकारीकर्र्मी, किसान लगायतको उपस्थिति रहेको थियो ।