जनखोजी, प्युठानमा ट्याक्टर दुर्घटना हुँदा सहचालकको मृत्यु भएको छ भने चालक घाइते भएका छन् । मंगलबार दिउसो १२ः१५ वजे प्यूठान नगरपालिका २ आरनेटाको झारिवाङबाट क्वाडी तर्फ आउँदै गरेको रा १ त २१८८ नं को ट्याक्टर दुर्घटना हुँदा सहचालक पाल्पाको रम्भा गाउँपालिका ४ का डम्मर बहादुर सुनारी मगरको को मृत्यु भएको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिए । बाटोबाट करिब १ सय मिटर तल ट्याक्टर खसेको थियो ।
चालक नौबहिनी गाउँपालिका ४ खवाङका १९ बर्षिय नविन मल्लको जिल्ला अस्पताल बिजुुवारमा उपचार भइरहेको छ ।