यादव पौडेल
प्युठान, शिक्षा क्षेत्रमा राजनितिक हस्तक्षेप गरेको भन्दै माण्डवी गाउँपालिकाको शिक्षा शाखामा तालाबन्दी गरिएको छ । स्थानीय तहमा क्रियाशिल राजनितिक दलहरुले शुक्रबार अनिपश्चितकालिन तालाबन्दी गरेको जनाएका छन् ।
नेपाल कम्युनिस्ट पार्टी(माओवादी केन्द्र), नेपाली काँग्रेस, नेपाल कम्युनिस्ट पार्टी र राष्ट्रिय जनमोर्चाले संयुक्त रूपमा प्रेस विज्ञप्ती निकाल्दै गाउपालिकाले ठाडो हस्तक्षेप गरी शिक्षा ऐन अन्तर्गत गठन भएका विद्यालय व्यबस्थापन समिती र प्रधानाध्यापकहरुको अधिकार कटौती गरेको आरोप लगाएका छन । गएको असोज २५ गते बसेको गाउकार्यपालीकाको बैठकबाट शिक्षा
नियमावली २०७४ नियम ५४ उपनियम १।२ संसोधन गरी गाउँपालिकाले विज्ञापन खोलेर ऐन बिपरित कार्य गरेको उनिहरुको आरोप छ।
माण्डवि गाउपालिकाका नेकपा माओबादी केन्द्रका अध्यक्ष बल बहादुर खत्री, नेपाली कांग्रेसका उपसभापती ॠषीराम अधिकारी,नेपाल कम्युनिष्ट्र पार्टीका सेक्रेटरी मीन बहादुर हौजाली र राष्ट्रीय जनमोर्चाका अध्यक्ष लिल बहादुर राउतद्वारा हस्ताक्षरित बिज्ञप्तीमा गाउपालिकाले निर्णय नसच्चाए सशक्त आन्दोलनमा उत्रने चेतावनी दिईएको छ।
उता, माण्डबि गाउपालिकाले भने गाउँ शिक्षा नियमावली, २०७४ बनाएर शिक्षाका समग्र गतिविधिहरु कानुन सम्मत गरेको दाबी गरेको छ । राजनैतिक दलहरुले तालाबन्दी गरेको प्रति ध्यानाकर्षण भएको जनाएको छ ।
गाउंपालिका अध्यक्ष श्रीधर रोकाद्वारा हस्ताक्षरित बिज्ञप्तीमा नजिकिदो निर्वाचनलाई लाक्षित गरि शिक्षा जस्तो पवित्र क्षेत्रमा आक्रमण गरेर राजनितिक पूर्वाग्रह सांधिएको उल्लेख छ।
