जनखोजी समाचार
प्यूठान नगरपालिकाको बजार क्षेत्रमा नेपाली कम्युनिष्ट पार्टीले घरदैलो गरेको छ। मङ्गलबार विजुवारदेखि बाग्दुलासम्म सम्पन्न घरदैलोमा मतदाताको उत्साहजनक सहभागिता रहेको थियो।
प्रतिनिधि सभाका उम्मेद्वार कृष्णध्वज खड्का, समानुपातिक उम्मेद्वार उमा अधिकारी सहित नेता कार्यकर्ताहरु घरदैलो कार्यक्रममा सहभागी हुनुभएको थियो। घरदैलो कार्यक्रममा स्थानिय मतदाताले उम्मेद्वार खड्काले राजनैतिक उपलब्धिका लागि गरेको जोखिमपूर्ण त्याग र सरकारमा हुँदा गरेको विकासको खुलेरै प्रशंसा गर्नुभएको छ ।
समृद्घि र विकास बोलीमा होईन ब्यवहारमा देखाउने कृष्णध्वज खड्कालाई जिताउनु नै प्यूठानको लागि उत्तम विकल्प रहेको उहाँहरुले बताउनु भयो।
घरदैलो कार्यक्रममा नवयुवा, युवा-विद्यार्थी देखि जेष्ठ नागरिकको सहभागिता रहेको थियो। घरदैलोको क्रममा भेटिनुभएका अन्य पार्टीका स्थानीय नेता-कार्यकर्ताले समेत विगतमा प्रदेश सरकारमा हुँदा उम्मेद्वार खड्काले आफुहरुलाई फरक राजनीतिक नजरले नहेरेर समान व्यवहार गरेको भन्दै चुनावमा पनि आफुहरुले अर्को पार्टीको उम्मेद्वार नबुझेर आफ्नै अभिभावक बुझेको बताउनु भएको छ।
