जनखोजी संवाददाता
प्युठान, नेपाल कम्युनिस्ट पार्टी (माओवादी केन्द्र) लुम्बिनी प्रदेश सदस्य एंव ऐरावती गाउँपालिका संगठन कमिटीका इन्चार्ज बुद्ध बहादुर बस्नेतले ऐरावती गाउँपालिकामा माओवादी केन्द्र पहिलो पार्टी रहेको दावी गरे ।
२७ औं जनयुद्ध दिवसको अवसरमा गाउँपालिका संगठन कमिटिको आयोजनामा भएको शुभकामना आदानप्रदान,बैठक तथा प्रशिक्षण कार्यक्रममा उनले पार्टीलाई पहिलो हुनबाट कसैले रोक्न नसक्ने बताएका हुन ।
माओवादी केन्द्र बिचारमा त सबभन्दा ठूलो पार्टी थियो नै तर गाउँपालिकामा संख्यात्मक रुपमा पनि सबैभन्दा ठूलो पार्टी रहेको जानकारी दिए । माओवादी आन्दोलनको भुमिका अतुलनीय रहेको भन्दै हाम्रो देश नेपाललाई एकात्मक राज्य बाट संघीय लोकतान्त्रिक र गणतान्त्रमक राज्यमा परिणत गर्नका लागी जनयुद्धको प्रमुख भुमिका रहेको प्रष्ट्याए ।
धार्मिक भेदभावलाई अन्त्य गरि धर्म निरपेक्ष राष्ट्र निर्माण गर्नुको साथै महिला,दलित,अल्पसंख्यक,मधेसीहरुलाई अधिकार सम्पन्न समेत जनयुद्धले गराएको उनको भनाइ छ ।