प्युठान, नेपाल पत्रकार महासंघको स्थापना दिवस रक्तदान गरी मनाइएको छ । बुधबार नेपाल पत्रकार महासंघ जिल्ला शाखा प्युठानले जुम्रीदेखि विजुवारसम्म प्रभातफेरी र व्लड बैंकमा रक्तदान गरी ६७ औं स्थापना दिवस मनाएको हो ।
पत्रकार महासंघको कार्यक्रममा पत्रकार सञ्जय रिजाल, राजेन्द्र रावत क्षेत्री, शशिधर भण्डारी(समृद्ध), बाबुराम उपाध्याय, विमल प्रसाद पोख्रेल, कमल बि.क.र तेजेन्द्र बिएम गरी ७ जनाले नेपाल रेडक्रस सोसाईटी जिल्ला शाखा प्यूठानद्धारा सञ्चालित रक्तसञ्चार केन्द्र विजुवार प्यूठानमा रक्तदान गरेका हुन् ।
जुम्री देखी विजुवारको मित्रमणी चोकसम्म ¥याली निकालेर प्यूठान अस्पतालमा कोणसभा गरेको हो ।
नेपाल पत्रकार महासंघ प्युठानका पूर्व अध्यक्ष इमानसिह भारतीले पत्रकारहरुको पेशागत सुरक्षा तथा मिडिया व्यवस्थापनमा पत्रकार महासंघ अग्रसर हुनुपर्ने बताए । पुर्व अध्यक्ष गिरु प्रसाद भण्डारीले सधै आवाज विहिनहरुको आवाज लेख्ने, सुनाउने पत्रकारहरुको आर्थिक अभावमा मरेको घटना स्मरण गराउँदै त्यस्ता घटना दोहारिन नदिन पत्रकार महासंघले कार्यक्रमहरु ल्याउनु पर्ने बताए । नेपाल पत्रकार महासंघ प्युठानका संस्थापक उपाध्यक्ष खुम बहादुर थापाले न्याय, श्रमजिवी र समृद्धिका पक्षमा कलम चलाउन गुणस्तरीयतामा ध्यान दिनुपर्नेमा जोड दिए ।