नेपाल रेडक्रस सोसाइटी प्यूठान जिल्ला शाखाको आयोजनामा विश्व रेडक्रस दिवस मे ८ २०२२, (२५ बैशाख २०७९) को अवसरमा प्यूठान जिल्ला अस्पतालमा उपचारार्थ बिरामीहरुको लागि फलफुल वितरण तथा रक्तसञ्चार सेवा केन्द्र प्यूठानमा रक्तदान कार्यक्रम आयोजना गरी मनाईएको छ । यस बर्षको विश्व रेडक्रस दिवसको नारा “३परोकारको–शक्तिमा–विश्वास भन्ने रहेको छ । विश्व रेडक्रस दिवसको अवसरमा शाखा सभापति गुमानराज पुलामीको अध्यक्षतामा कार्यक्रम गरिएको हो, कार्यक्रममको अतिथिहरुमा प्यूठान अस्पतालका निमित्त प्रमुख प्रतिमा भट्टराई, नेपाल नेत्र ज्योति संघ लुम्बिनी प्रदेश सदस्य श्री आनन्द प्रसाद श्रेष्ठ, नेपाल रेडक्रस सोसाइटी विजुवार उपशाखा सभापति श्री लोकमणी भण्डारी, धर्मावती उपशाखा सभापति श्री हरि प्रसाद घिमिरे जिल्ला शाखा मन्त्री दामोदर शर्मा लगायत विभिन्न संघ संस्थाका प्रतिनिधिहरु र रेडक्रसकर्मी तथा कर्मचारीहरुको उपस्थिति रहेको थियो । कार्यक्रमको अवसरमा नेपाल रेडक्रस सोसाइटी धर्मावती उपशाखा सभापति श्री हरी प्रसाद घिमिरेको स्वागत मन्तव्य रहेको थियो भने कार्यक्रमको उद्देश्य, विश्व रेडक्रस दिवस मनाउनुको औचित्को बारेमा शाखा सभापति गुमानराज पुलामीले प्रष्ट पार्नुभएको थियो ।
उक्त कार्यक्रमको अवसरमा प्यूठान अस्पतालमा उपचारको क्रममा रहेका २५ जना बिरामीहरुको लागि स्वास्थ्य लाभको कामना गर्दै फलफुल वितरण गरिएको छ । भने नेपाल रेडक्रस सोसाइटी रक्तसञ्चार सेवा केन्द्र प्यूठानमा रक्तदान पनि सम्पन्न भएको छ, रक्तदान गर्नेहरुमा प्यूठान नगरपालिका प्रमुख अर्जुन कुमार कक्षपति, दाखाक्वाडी स्वास्थ्य चौकीका अ.हे.ब. भरत भण्डारी, धर्मावती उपशाखा सभापति हरि प्रसाद घिमिरे लगायत उपशाखा पदाधिकारी, रेडक्रस स्वयंसेवक, स्वयंसेवी रक्तदाता, नेरेसो प्यूठान जिल्ला शाखाका कर्मचारीहरु रहनु भएको थियो ।