प्युठान, जिल्ला समन्वय समिति प्युठानमा गठबन्धनको प्यानल निर्विरोध निर्वाचित भएको छ ।
जिल्ला समन्वय समिति प्युठानको प्रमुखमा नेपाली कांग्रेसका धरमबहादुर जिसी र उपप्रमुखमा नेकपा (माओवादी केन्द्र) का दुर्गा रेग्मी निर्विरोध निर्वाचित भएकाे मुख्य निर्वाचन अधिकृतकाे कार्यालय प्युठानले जनाएको छ । पाँचदलीय गठबन्धनबीच तालमेल भएकाे थियाे ।कांग्रेसबाट टोपाराम कालाथोकी, माओबादी केन्द्रबाट तारा बिक, निर्मला पोख्रेल, राष्ट्रिय जनमोर्चाबाट गुणेन्द्र बस्नेत, इन्द्रबहादुर खड्का, खुमा अधिकारी र रेकम रसाइली जिल्ला समन्वय समितिको सदस्यमा निर्विरोध निर्वाचित भएको जिल्ला निर्वाचन अधिकारी राजन श्रीवास्तवले जानकारी दिए ।
दुई नगरपालिका र सात गाउँपालिका गरि १८ जना मतदाता रहेकाे प्युठानमा कांग्रेस सात, माओवादी चार, एमालेको चार र राष्ट्रिय जनमोर्चा तीन मत थियाे । एमालेले मनोनयन दर्ता गराएकाे थिएन ।