जनखोजी संवाददाता
प्यूठान, माण्डवी गाउँपालिकामा परक्याव कार्यक्रमको समिक्षा गरिएको छ । फुलवारी एकीकृत ग्रामीण विकास संस्था(फिर्डो) नेपाल, प्यूठानको आयोजनामा कोभिड १९ बाट प्रभावित संकटासन्न व्यक्तिहरूको आर्थिक उत्थानशिलता प्रवर्धन परियोजना(प्रक्याव)को पालिका स्तरीय परियोजना सल्लाहकार समिति बैठक तथा वार्षिक प्रगति समिक्षा कार्यक्रम बिहिबार सम्पन्न गरिएको हो ।
अष्ट्रेलियन सरकारको आर्थिक सहयोग आड्रा नेपाल र (फिर्डो) नेपाल प्युठानले प्यूठानका स्र्वद्धारी नगरपालिका र माण्डवी गाउँपालिकामा सो कार्यक्रम सञ्चालन गरेका छन् । कोभिड–१९ वाट प्रभावित संकटासन्न व्यक्तिको आर्थिक उत्थानशीलता प्रवद्र्धन गर्न सो कार्यक्रम सञ्चालन गरेको फुलबारी एकीकृत ग्रामीण विकास संस्था(फिर्डो) नेपालका कार्यकारी निर्देशक टिकाराम आचार्यले बताए ।

परियोजनाबाट २०७८ देखि २०८० को असार सम्म चल्ने कार्यक्रमको लक्षित समुह प्रत्यक्ष २२० जना र अप्रत्यक्ष १४०० जना रहेको कार्यक्रम संयोजक मनोज विक्रम जि.सी.ले जानकारी दिए । आर्थिक विकास तथा जीविकोपार्जन, लैंगिक समानता, स्थानीय सरकारसँगको सहकार्यमा आर्थिक पुनर्लाभ तथा पुर्वतयारी योजना निर्माण लगायतका विषयमा परियोजनाले सहयोग तथा सशक्तिकरण गर्ने जनाएको छ ।
माण्डवी गाउँपालिकाका प्रमुख प्रशासकीय अधिकृत शिशिर रिजालले स्थानीय सरकारका काममा परियोजनाले सहयोग तथा समन्वय गर्दा रोजगारी बृद्धिका लागि सहयोग पुगेको बताए ।
त्यसैगरी माण्डवी गाउँपालिकाका अध्यक्ष नम राज अधिकारी(रोशन)ले आगामी दिनमा पनि स्थानीय सरकारसंग हातेमालो गरेर समृद्ध माण्डवी बनाउन टेवा पू¥याउने विश्वास व्यक्त गरे ।