नेत्र खनाल

दाङ, दाङ देउखुरीकाे राप्ती गाउँपालिकामा निःशुल्क शिक्षाकाे याेजना अन्तिम चरणमा पुगेको छ । शनिबार एकीकृत अखिल नेपाल शिक्षक संगठनकाे परिषद् बैठकमा बाेल्दै गाउँपालिकाका अध्यक्ष प्रकाश बिष्टले साे कुरा जनाएका हुन् । कृष्णबहादुर बुढाकाे अध्यक्षतामा बसेकाे बैठकले एकीकृत अखिल नेपाल शिक्षक संगठन लुम्बिनी प्रदेश कमिटि अध्यक्ष एन प्रसाद अधिकारिले राप्ती क्षेत्रमा अध्यापन गराई रहेका शिक्षक शिक्षिकालाई राप्ती गा.पा.ले ल्याएको नि:शुल्क शिक्षाकाे नितिलाई पुर्णतरिकाले सफलता तिर लान सबै सराेकारवाला एकजुट हुन आग्रह गरे । प्रमुख अतिथि समेत रहेका अधिकारीले माओवादी आन्दोलनमा सहभागी भएका शिक्षक,शिक्षिका अन्य शिक्षक भन्दा फरक जीवन शैलीले बिद्यार्थीहरूकाे पठनपाठनमा सहभागी हुनुपर्ने बताएका छन् । बैठकमा विशिष्ट अतिथि नेकपा माओवादी केन्द्र राप्ती गाउसंगठन कमिटिका अध्यक्ष श्यामेस चाैधरीले संस्थागत निर्माणकाे बिषयमा ध्यानाकर्षण गर्न सबै शिक्षकलाई अनुराेध गर्दै समाज परिवर्तनको लागि शिक्षक संगठन संम्वाहक भएको बताए । पछिल्लो समयमा शिक्षकहरु राजनैतिक दलका नेताकाे विश्लेषण गर्नेकाममा मात्रै ध्यान केन्द्रीत भएकाे हुदा त्यस्ता आचरण त्याग गर्न आग्रह गरे । उनले शिक्षकहरुले बिद्यालयकाे पठनपाठनलाई तलबमुखी भन्दापनि सेवामुखि रुपमा ग्रहण गर्नु पर्नेमा जाेड दिए । त्यसैगरी राप्ती गाउपालिकाका अध्यक्ष प्रकाश बिष्टले निःशुल्क शिक्षाको निमित्त सबै भन्दा ठुलाे हतियार शिक्षकनै भएकाे हुदा गुणस्तर शिक्षाप्रदानकाे निमित्त बिद्यालयकाे पढाइ पछिकाे समयमा पनि अबिभावक घरमा गएर बिद्यार्थीकाे निगरानि गर्न अध्यक्ष बिष्टले अनुराेध गरेका छन् । बैठकमा शिक्षक संघका जिल्ला अध्यक्ष राम प्रसाद जै.सि ,बुद्धिजीवी शिक्षक बि.पि. खनाल लगायतले बैठकलाई संम्बाेधन गरेका थिए भने बैठककाे सहजिकरण कृष्ण बुढाले गरेका थिए ।