जनखोजी संवाददाता
माण्डवीमा बाल अधिकार विषयक कविता प्रतियोगिता गरी बाल दिवस मनाइएको छ । “बालमैत्री समाजको आधारः जिम्मेवार परिवार, उत्तरदायी सरकार” भन्ने राष्ट्रिय नारासहित ५८ औं राष्ट्रिय बालदिवस माण्डवी गाउँपालिकाको सभाहल देविस्थानमा कविता प्रतियोगिता गरी बाल दिवस मनाइएको हो । बुधबार माण्डवी गाउँपालिकाको सहयोग र माण्डवी गाउँ सञ्जालको आयोजनामा भएको कार्यक्रममा प्रथम अभिषेक रसाइली, दोश्रो सर्मिला बि.क. र तेश्रो पुजा बि.क. भएका हुन् । प्रथम हुनेलाई रु ७ हजार, दितिय हुनेलाई ५ हजार र तृतिय हुनेलाई ३ हजार नगद र प्रमाणपत्र प्रदान गरिएको हो ।
कार्यक्रममा बोल्दै माण्डवी गाउँपालिकाका अध्यक्ष नमराज अधिकारी रोसनले बाल अधिकारका विषयमा बालबालिका कोपिलाको रुपमा लिई सफलतापूर्वक फक््रयाउन सधै प्रतिवद्ध रहेको बताए । बाल अधिकारको पक्षमा बालबालिका संगै रहने प्रतिवद्धता व्यक्त गरे ।
पालिकाका उपाध्यक्ष पूर्ण प्रसाद कालाथोकीले बाल अधिकारका बिषयमा बिद्यालयहरु सम्म पुगेर सचेतना फैलाउनु पर्नेमा जोड दिए ।
बाल सञ्जालकी सर्मिला बि.क.को अध्यक्षतामा भएको कार्यक्रममा माण्डवी गाउँपालिकाका अध्यक्ष नमराज अधिकारी, उपाध्यक्ष पूर्ण प्रसाद कालाथोकी, प्रमुख प्रशासकीय अधिकृत प्रकाश पाण्डे, लगायत गाउँकार्यपालिका सदस्य, कर्मचारी, विद्यालयका विद्यार्थीहरुको सहभागिता रहेको थियो ।
त्यसैगरी ऐरावतीमा बाल सञ्जालले माध्यमिक तहको वक्तित्व कला प्रतियोगिता र आधारभुत तहको हाजिरी जवाफ प्रतियोगिता आयोजना गरेको छ । बक्तृत्व कत्व कला प्रतियोगितामा महेन्द्र माध्यमिक बिधालय सराङ्गवेशी पहिलो, दोस्रो मोती माध्यमिक बिधालय बरौंला र जनता माध्यमिक बिधालय बिजुली तेश्रो भएका छन् । हाजिर जवाफ प्रतियोगितामा पहिलो भुवनेश्वरी आधारभुत बिधालय , दोस्रो पदमोदय माध्यमिक बिधालय र तेस्रो धर्मोदय माध्यमिक बिधालय भएका छन् ।
उक्त कार्यक्रममा आर्थिक सहयोग ऐरावती गाउँपालिका र कालिका बिकास केन्द्र प्युठान गरेको हो ।