शशिधर भण्डारी समृद्ध
कृष्ण कुमार अधिकारी (प्रकाश) जनयुद्ध देखि हालसम्मको चर्चित नाम हो । इमानदार, कुनै खोट नलागेका प्रकाश जनयुद्ध देखि कृष्णलाई भुलाएर प्युठानी जनताको मनमनामा बसेका छन् । प्युठानको गठबन्धन, तालमेल, जिल्लाको विकासका लागि दलहरुको एकताबद्ध गराउन सदैव प्रकाश अग्रणी भूमिकामा देखिएका छन् ।
प्रकाशको के छ जिवनी
न्वारनको नाम कृष्ण कुमार अधिकारी भएका प्रकाशको जन्म हालको माण्डवी गाउँपालिका १ तिराम (तत्कालिनि तिराम गाविस २ तिमिले)मा वि.सं. २०२६ साल जेठ १२ गते भएको हो । उनी १६ वर्षको उमेर देखि नै विद्यार्थी राजनितिमा जोडिएका हुन् । २०४२ सालमा तिराम माद्यामिक विद्यालयमा अखिल १० औं जन तत्कालिन मोटो मशालको विद्यार्थि संगठनबाट राजनितिक यात्रा शुरु गरेका हुन् । विद्यार्थीमा राजनिति गरेको ३ वर्ष हुन नपाउँदै विद्यार्थी आन्दोलनका क्रममा २०४५ सालमा केही समय जेल जानु परेको थियो । जेल जीवनबाट मुक्ति पछि प्रकाशको दांगको यात्रा शुरु भयो ।
प्रकाश २०४७ सालमा दागंको महेन्द्र बहुमुखी क्याम्पसको इकाई अध्यक्ष हुन पुगे । दुई वर्ष अध्यक्षको जिम्मेवारी पाएका प्रकाश पार्टीले प्युठानको अध्यक्षका लागि प्युठान खटायो । सोही समयमा स्थानीय निर्वाचन अर्थात वडा निर्वाचनमा प्रकाश फराकिलो मतान्तर सहित विजयी हुन पुगे ।
त्यसैगरी २०५६ सालमा माओवादीको जिल्ला कमिटि सदस्यको जिम्मेवारी प्राप्त गरे । २०५८ सालमा विशेष क्षेत्र कमिटि रोल्पाको सदस्य, २०६० सालमा क्षेत्रीय सहकारी विभाग प्रमुख, २०६२ प्युठान जिल्लाको सेक्रेटरी कमिटि सदस्य, २०६९ प्युठान जिल्ला अध्यक्ष, २०७३ पोलिटव्युरो सदस्य, २०७५ सालमा एमाले र माओवादीको एकताबाट बनेको नेकपाको जिल्ला सचिव र २०७८ सालमा नेकपा माओवादी केन्द्रको लुम्बिनी प्रदेश सचिवको जिम्मेवारी पाएका थिए ।
एउटा निर्वाचनको अनुभवः लोकप्रिय मत लिएका थिए
प्रकाशको २०५६ को निर्वाचनमा प्रतिष्पर्धा गर्ने खासै मन थिएन् । तर गाउँका बुद्धिजिवीहरुको अनुरोधमा युवा उम्मेद्वारको प्रतिनिधित्व गर्दै तिराम गा.वि.स. २ को वडा अध्यक्ष उठे । तत्कालित समयमा ३०८ मत मध्ये २५४ मत लिएर स्वतन्त्र रुपमा विजयी भएको बताए । उनका प्रतिष्पर्धीको जम्मा ५४ आएको थियो ।
यस पटक पनि प्रकाश माओवादी नेतामा प्रकाश यस निर्वाचनमा प्रदेश सभाका लागि प्युठान प्रदेश सभा क्षेत्र नं. १ बाट निर्विरोध वा सर्वसम्मत रुपमा सिफारिस भएका हुन् ।
कति छ प्रकाशको जित्ने आधार ?
कृष्ण कुमार अधिकारी प्रकाशको क्षेत्र प्युठान जिल्ला प्रदेश सभा क्षेत्र नं. १ हो । यस क्षेत्रमा सरुमारानी गाउँपालिका, माण्डवी गाउँपालिका, ऐरावती गाउँपालिका र स्वर्गद्धारी नगरपालिकाका सबै वडा, प्युठान नगरपालिकाको १,२,३ र ५ र मल्लरानी गाउँपालिकाको ५ नम्बर वडा पर्दछ । ३१ वटा वडा मध्ये २२ वटा वडाहरुमा गठबन्धनका वडा अध्यक्षहरुले जितेका छन् । ऐरावती गाउँपालिका माओवादी र गठबन्धन दलका अलग अलग उम्मेद्वार हुँदाको मत हो यो । यसरी गठबन्धनले आफुले पाएको मतलाई जोगाए पनि फराकिलो मतान्तरले जित हासिल गर्ने देखिन्छ । यसैलाई गठबन्धनले जितको आधार मान्दै प्रकाशको लोकप्रिय मतलाई समेत हेरी फराकिलो जित निकाल्ने आकलन गरेका छन् ।
३ पतिष्पर्धी
प्रकाशका ३ प्रतिष्पर्धी रहेका छन । तत्कालिन नेकपाको अध्यक्ष तुल्सिराम शर्मा, राप्रपाबाट गोपालनाथ योगी र मगंोल नेशनल अर्गानाइजेशनका नुना घर्तिमगर रहेका छन् । मुख्य प्रतिपर्धि नेकपा (एमाले)का तुल्सीराम शर्मा भएपनि एमालेको उपमेयरले जित्दा २०७४ को स्थानीय तहको निर्वाचनमा मेयरमा पराजित भएका थिए ।