नेत्र खनाल दाङ
लुम्बिनी सरकारको बुधबार देखि स्थायी राजधानीबाट कार्य सञ्चालन गर्ने भएको छ । बुधबार प्रदेश प्रमुख अमिक सेरचनले उद्घाटन गरी औपभचारिक रुपमा देउखुरी उपत्यकाबाट प्रदेश राजधानीका क्रियाकलाप तथा सेवा प्रबाह हुने छन् ।
२०७७ साल असोज २० गतेका दिन लुम्बिनी प्रदेश सभाको बहुमत सदस्यहरुको मतले स्थायी राजधानीको रुपमा दागं तोकिएकोमा त्यसको कार्यान्वयनका लागि मुख्यमन्त्री कुल प्रसाद के.सी.(सोनाम), अर्थ तथा सहकारीमन्त्री कृष्णध्वज खड्का, स्वास्थ्यमन्त्री इन्द्रजित थारु, पर्यटन, ग्रामीण तथा सहरी विकासमन्त्री डिल्लि चौधरीको लगायतको दौडधुपले स्थायी राजधानीबाट प्रदेश सरकार सञ्चालनका लागि सहजता थपिएको हो ।
लुम्बिनि प्रदेश सरकारको स्थयी राजधानी राप्ती उपत्यकाको मौरिघाटमा नेपाल सरकार लुम्बिनी प्रदेश सरकारका प्रदेश प्रमुख अमिक सेरचनले बुधबार दिउसो १२ बजे नेपालको राष्ट्रिय झन्डात्तोलन गरी लुम्बिनी प्रदेश सरकारको कार्य संञ्चालन राप्ती उपत्यकाबाट शुरुवात हुने छ । प्रदेश प्रमुखको प्रमुख आतिथ्यमा सम्पन्न हुने उद्वघाटन समारोहमा लुम्बिनी प्रदेश सरकारका मा। मुख्यमन्त्री प्रदेश सरकारका सबै मन्त्रीहरुको सहभागीहुने छन् ।
भने मन्त्रालयगतका सबैकामकाज उद्घाटन भोलिबाट नै सुरुवात गरिने बताइएको छ ।
उद्घाटन समारोहमा सबै राजनैतिक दलका नेता, १२ जिल्लाका सबै स्थानियतहका प्रमुखहरु लाई समेत उपस्थितिको लागि पत्राचार गरिएको मुख्यमन्त्री का प्रेस संञ्योजक मानसिह बिकले जानकारी दिएका छन् ।
प्रदेश राजधानीको राप्ती उपत्यकाका सबै नाकाहरुमा स्वागतद्वारहरु विभिन्न सरकारी तथा गैर सरकारी संस्थाहरुले निर्माण गरीएको छ । बिहान १० बजे भालुवाङको कृष्णसेन ईच्छुक चोकबाट झाकि सहित उद्घाटन र्याली निकालिने छ भने प्रहरीको सलामि धुनमा प्रदेश प्रमुखले राष्ट्रिय झन्डा उत्तोलन गरि राजधानी संञ्चालन गरिने कार्यक्रम रहेको आयोजकले जनाएकोछ ।
