जनखोजी साप्ताहिक पत्रिका विमोचन
प्युठान, प्युठानबाट प्रकाशन सुरु गरेको जनखोजी साप्ताहिक पत्रिकाको विहिबार एक कार्यक्रमका बीच बिमोचन गरिएको छ ।
कालिकानगर स्थित मझेरी फुड ल्याण्डमा लुम्बिनी प्रदेश सरकारका आर्थिक मामिला तथा योजनामन्त्री कृष्णध्वज खड्काले विमोचन गरेका हुन् । टिकाराम पोख्रेलको सम्पादकत्व, शशिधर भण्डारीको प्रकाशक रहेको जनखोजीमा जिल्ला स्थित दर्जनौ पत्रकारहरु संलग्न रहेका छन् ।
योसंगै जिल्लाबाट दर्ता हुने पत्रिकाको संख्या २० पुगेको छ । पत्रिकाको विमोचन गर्दै लुम्बिनी प्रदेश सरकारका आर्थिक मामिला तथा योजनामन्त्री कृष्णध्वज खड्काले विकास र समृद्धिको पक्षमा सकारात्मक कार्यको खोजी गर्न सक्षमताको शुभकामना दिए । जनताको पक्षमा रहेर जनजनका समाचारहरुको खोजी गरी राज्यलाई जनताप्रति उत्तरदायी बनाउनका लागि विश्वसनीय मिडियाको भूमिका निर्वाह गर्नु पर्नेमा उनको जोड थियो ।
विमोचन कार्यक्रममा नेपाल पत्रकार महासंघ रुपन्देहीका अध्यक्ष रामराज पोख्रेल, निर्वतमान अध्यक्ष यानेन्द्र जि.सी., प्युठान शाखाका निवर्तमान अध्यक्ष महाविर राना, ऐरावती गाउँपालिकाका उपाध्यक्ष बुद्ध बहादुर जि.सी., पत्रकार नेता रुद्रहरी कुवर, श्यामलाल पोख्रेल, गुनाराम घिमिरे, राष्ट्रिय लोक तथा दोहोरी गित प्रतिष्ठानका केन्द्रीय सचिव प्रचण्ड जि.सी., प्युठान–रुपन्देही सम्पर्कमञ्चका संस्थापक पदम बहादुर जि.सी., सचिव प्रदिप जि.सी., मिडिया सञ्चालक तथा पत्रकार चोपलाल आचार्य, केशर रोका लगायतका प्युठानबाट प्युठान–रुपन्देही सम्पर्क मञ्चमा आवद्ध सदस्यहरुको उपस्थिति रहेको थियो ।