शशिधर भण्डारी
प्युठान, जिल्लामा माओवादी केन्द्रले शहिद परिवारसंग मनाउने भएको छ । सोमबारबाट शुरु भएको सहित सप्ताहको अवसरमा नेकपा(माओवादी केन्द्र)का नेताहरु शहिद परिवार भेटघाटमा जुटेका हुन् ।
नेकपा(माओवादी केन्द्र)का केन्द्रीय सदस्य तथा प्युठान जिल्ला इन्चार्ज नारायण प्रसाद अधिकारी सहितको माओवादी नेतृत्व सहिद परिवारको घरघरमा पुगेर शहिद परिवारको अवस्था बुझ्न पुगेका छ । मंगलबार मात्रै जिल्लाका ८ जना शहिदका परिवारको अवस्था, पार्टी र नेतृत्वलाई सुझावहरु लिइएको प्युठान जिल्ला इन्चार्ज नारायण प्रसाद अधिकारी जानकारी दिए ।
शहिद परिवारको मागः रोजगार
दश वर्षसम्म चलेको जनयुद्धका क्रममा देश र जनताको मुक्तिका निम्ति ज्यान गुमाएका परिवारले परिवारको व्यवस्थापनमा समस्या देखिएको छ । शहिदहरुको सन्ततीहरु बेरोजगार भएका कारण परिवारका सदस्यहरुलाई रोजगार दिनु पर्ने धेरै शहिद परिवारको माग रहेको अधिकारीले बताए ।
माओवादी नेता देख्दा हौसीए
लामो समयपछि सन्ततीका सहयोद्धाहरुलाई घरमा आएको पाउँदा छोरा आएको सम्झेर परिवारहरु खुशी भएको पाइएको छ । संगै युद्धमा होमिएका माओवादीहरु घरमा आएको देखेपछि शहिद परिवारले माया र खुशी दर्शाएको अनुभुती भएको अधिकारीको भनाइ छ ।
उनका अनुसार शहिद परिवारले नेकपा (माओवादी केन्द्र)लाई निकै महत्वपूर्ण सुझाव समेत दिएको बताए ।
माओवादी जिल्लाका सबै शहिदको घरमा पुग्ने योजना
अधिकारी सहित नेताहरु शहिद सप्ताहको क्रममा जनयुद्धको क्रममा ज्यान गुमाएका जिल्लाका ७२ जना शहिदहरुको परिवारमा पुग्ने योजना रहेको छ । भेटका क्रममा माओवादी प्रतिको धारणा, सुझावहरु समेत लिखित र मौखिक रुपमा सङ्कलन गरिएको नेकपा(माओवादी केन्द्र) लुम्बिनी प्रदेश समिति सदस्य हरी बस्नेतले जानकारी दिए ।
के हो शहिद सप्ताह ?
तत्कालिन माओवादी(हाल माओवादी केन्द्र)ले २०५२ फागुन १ गतेबाट जनयुद्धको शुरु गरेको थियो । जनयुद्धको १४ औं दिन अर्थात २०५२ साल फागुन १४ गते गोरखामा अध्ययनरत विद्यार्थी दिलवहादुर रम्तेल पहिलो सहिद हुन पुगे । उनी जनयुद्धको पहिलो शहिद हुन । त्यहि दिनको सम्झना सहित जनयुद्धका सम्पूर्ण शहिदको सम्झनामा माओवादी केन्द्रले प्रत्येक वर्षको फागुन १४ गते देखि २१ गतेसम्म सप्ताह व्यापी रुपमा विविध कार्यक्रम गरी मनाउने गरेको छ ।
