सिपि पौडेल
प्युठान, जेठ १३ (जनखोजी)ः प्युठानको सिमा नजिकै रोल्पाको शुनिलस्मृति गाँउपालिका वडा न. २ खुंग्री चतुर्भुजको घुम्तीमा मोटरसाईकल दुर्घटना हुँदा एक जनाको मृत्यु भएको छ । लु ८७ प २०६८ नम्बरको मोटरसाईकल दुर्घटना हुंदा मोटरसाईकल सवार प्युठान जिल्ला स्वर्गद्वारी नगरपालिका वडा न.८ धनचौर निवासि बर्ष १६ का सागर सापकोटाको मृत्यु भएको जिल्ला प्रहरी कार्यालय रोल्पाका प्रबत्ता प्रहरी निरीक्षक प्रकाश भुसालले जानकारीदिए । दुर्घटना साझा ६ बजेर ५ मिनेटको समयमा भएको बताइएको छ ।
रोकि राखेको मोटरसाईकल स्टार्ट गरी घुमाउने क्रममा बाटो देखि करिब ३५ मिटर तल खेसेको जिल्ला प्रहरी कार्यालय रोल्पाले जानकारी दिएको छ । दुर्घटना भएको खबर लगतै ईलाका प्रहरी कार्याल खुंग्री रोल्पाबाट प्रहरी टोली खटि गई उद्धार गरी प्राथामिक स्वास्थ्य केन्द्र सुलिचौर पठाएको प्रहरीको भनाई छ । मोटरसाईकलमा दुर्घटना परि घाइते भएका सापकोटाको उपचारको क्रममा साझ ७ः१० बजेको समयमा मृत्यु भएको जिल्ला प्रहरी कार्यालय रोल्पाका प्रबत्ता प्रहरी निरीक्षक प्रकाश भुसालले जानकारी दिए ।