जनखोजी समाचार
प्युठान, (२८ भदौ) प्युठान नगरपालिका अभिभावक विहिन बालबालिकाको सहारा बनेको छ । नगरपालिकाका प्रत्येक वडाबाट तथ्यांक संकलन गरी लिएका २८ वाललिकालाई आवासिय सुविधा सहित पठनपाठन जोडेको हो ।
बुबाआमा गुमाएकी प्युठान नगरपालिका ८ गेजवाङकी सोनिया गिरी १० कक्षा पढ्न मुक्ति मा.वि. रातामाटामा भर्ना भएकी छन् । उनले प्युठान नगरपालिकाले अभिभावक विहिन बालबालिकालाई निःशुल्क शिक्षा दिने थापा पाए पछि रातामाटामा पढ्न आएको बताइन् । ३ वर्षमा बुबाआमा गुमाएकी उनले कक्षा १ देखि ६ सम्म दाङमा पढेकि थिइन । ६ देखि ८ दुःख सँग गाउँमै पढिन र जनता मा.वि बाग्दुलामा कक्षा ९ मा अध्ययन गरी यस वर्ष मुक्ती माविमा आएकी हुन् ।
प्युठान नगरपालिका ३ कुवापानीका वर्षा खड्का ३ भाइबहिनी पनि मुक्तीमा पढ्न थालेका छन् । सानैमा बुबा भारतमा काम गर्न गएको फर्किएन साहरा दिने आमाले छाडेर विहे गरीन । सोही कारण दुःखमा परेका उनीहरुको जिम्मा प्युठान नगरपालिकाले लिएको छ । बाहिर काम गरेर पढ्नु नपर्ने हुँदा खुशी लागेको खड्काले सुनाइन ।
प्युठान नगरपालिका २८ अभिभावक बिहिन वालवालिकाको सहारा बनेको छ । घरमा आर्थिक अभावका कारण राम्रो संग पढ्न नपाएका बालबालिकालाई सहज भएको छ । विद्यालयले सञ्चालन गरेको छात्रछात्राबासमा बसेर पढ्दा विद्यार्थीको पढाइमा सुधार हुँदै गएको विद्यालयले जनाएको छ ।
वार्डेन बिष्णुकान्त मिश्रका अनुसार उनीहरु रमाउँदै, एकआपसमा छलफल गरि पढ्ने बानी पर्न थालेको छ ।
छात्राबास व्यवस्थापन समि ति का अध्यक्ष बेद प्रसाद पौडेलले अभिभावक विहिन बालबालिकालाई सहारा बनेर प्यूठान
नगरपालिकाले राम्रो काम गरेको बताए । विद्यालयमा अभिभा वक विहिन बालबालिका पढाउने काम विद्यालयको लागि थप
जिम्मेवारी थपिएको उनले बताए ।
प्यूठान नगरपालिकाले यसै शैक्षिक सत्रदेखि नगरपालिका भित्र रहेका अभिभावक विहिन विद्यार्थीहरुलाई निःशुल्क रुपमा
पढाउन सुरु गरेको छ । नगरपालिका क्षेत्रभित्र रहेका अभिभा वक विहिन बालबालिकालाई माध्यामिक शिक्षा कक्षा १२ सम्म निः शुल्क रुपमा पढाउन सुरु गरिएको प्यूठान नगरपालिकाका नगरप्रमुख विष्णु बहादुर योगीले बताए । उनका अनुसार नगरपालिकाले पठनपाठनमा लाग्ने सबै खर्चको श्रोतको सुनिश्चितता गरेको छ । हाल १५ छात्रा र १३ छात्र सुविधाबाट लाभान्वित छन् । नगरपालिकाले पठनपाठन सामग्री, खाजा, खाना, आवास, आवश्यकता अनुसार व्यक्तिगत सरसफाई सामग्री, विरामी पर्दा प्राथमिक उपचार र अतिरिक्त क्रियाकलाप लगायतको सुविधा उपलब्ध गराएको छ ।