जनखोजी समाचारदाता
प्युठान, राष्ट्रिय स्वतन्त्र पार्टीका सभापति रबी लामिछाने रोल्पाबाट शुक्रबार फर्किएका छन् । रोल्पाबाट प्युठान हुँदै फर्किने क्रममा प्युठानको जस्पुरमा रवीका समर्थकहरुसंग भेटघाट गरेका थिए ।
भेटघाटनको क्रममा नेता रबी लामिछानेले आफुहरु गफ भन्दा काम गरेर देखाउने पार्टी भएकोले जनताले अरु पार्टीभन्दा फरक बुझ्नु पर्ने उदाहरण प्रस्तुत गरेका थिए । उनले भाषण र आश्वासन बाड्ने, नेता मालिक जस्तो हुनु पर्दछ भन्ने नभइ काम गर्ने र नेता जनता समान हो मान्यता राखेको बताए । लामिछानेले रोल्पाको चार दिने भ्रमण सुनेर फर्किएका हुन् । उनले जस्पुरमा समर्थकहरुलाई सम्बाधन गर्दै जनयुद्ध लडेर जीवनस्तर परिवर्तनको आशा जगाएका नेताहरुले आफू र आफ्ना आसेपासे पोस्ने मात्र कार्य गरेको आरोप लगाएका थिए । उनले भने “जनयुद्ध गर्दा जीवनस्तर परिवर्तनको आशा देखाएका नेता र आसेपासे मात्रै परिवर्तन भएको पाए” ।
राष्ट्रिय स्वतन्त्र पार्र्टीले दस्तावेज निर्माणको लागि जनताको आवाज सुन्ने पहिलो चरणको कार्यक्रम सुरु गरेकोछ । उक्त कार्यक्रम असोज ३ गतेदेखि ७ गतेसम्म चल्नेछ । जसका लागि पार्र्टीले १९ जना नेताहरुलाई १९ जिल्लाका बिभिन्न ठाउँहरुमा खटाएको छ ।